Ku soo Dhawoow
Mareegta Far-Shaxan
  ha moogaan mareegta u ban baxday raadraaca taariikhda, dhaqanka iyo hidaha
  Tifatirayaasha Farshaxan way ka madax banaan yihiin fikradaha gaarka ah ee ku sugan halkan

CABDIQAADIR CABDI XASSAN(RAAM) | 

  Hordhac

Qalinkii - Fu,aad Sh.
Bahda Mareegta Farshaxan

    
    
        Taariikh Suugaaneedkii Abwaanka da'da yar ee C/QAADIR CABDI HASSAN(RAAM)
    
    2/9/2008
    TAARIIKHDII C/QAADIR CABDI HASSAN(RAAM)
    
    C.qaadir waxuu ku dhashay diridhaba ethiopia sanadkii  1987kii
    kadib kusoo noqoshadii dalka waxuu ku noolaa magaalada gebiley somaliland halkaasuu ka galay
    waxbarashadiisii dugsiga hoose/dhexe ee sh. muxumed warsame halkaasuu ka baxay fasalka sideedaad
    
    kadib waxuu usoo wareegay magaalada hargeisa oo uu ka galay secondary-ga dugsiga sare ee
    SUNSHINE SECONDARY SCHOOL oo
    imiga qalinjabinayo
    
    wakhtigii ugu horey ee fanka uu bilaabay oo ku aadnaa markuu dhiganayey dugsigii dhexe ayuu
    sidoo  kale uu xiisayn jiray inuu wax badan ka ogaado nolosha miyiga  taasuu imiga diyaarinayo
    qoraalo
    iyo buug uu kaga hadlayo nolosha geeljiraha iyo miyigaba
    
    inkastoo fanka uu aad u xiisayn jiray oo uu had iyo goor  dugsigiisii
    dhexe iyo sareba  alifi jiray ruwaayada uu kaga hadlayo tacliinta iyo dhaqankaba  sidoo
    heestiisii ugu  horeysay ee uu curiyo oo ku aadnayd  fasalkiisii sideedaad ayaa waxay
    ahayd mid u furtay albaabkii suugaanta iyo himiladiisii hiigsanayey
    
    
    
     
XIDIGTII HABLAHA   Dib U laabo
    
    
    heestiisii ugu horeysay waxay ahayd hees la odhan jiray
    XIDIGTII HABLAHA KACAY
    runtii waxa ku dhaliyey inan ay isku iskuul ahaayeen oo sheeko ka dhaxeysay u tiriryey
    
             xuural-cayntii aduunkaay
             xiligoo barwaaqaay
             xariiirtiyo dahabkaay
             xusuustii  jacaylkaay
             tusaalihii  xishoodkaay
             xulashadii  hablahaay
    
             xushmad lagu dheehaay
             xabag-barsheedaay
             inantii  xaragadaay
             xuduntii quruxdaay
              xayndaabkii asluubtay
              xidigtii hablaha kacaay
    
             siduu xubigu ii helay
             hurdo uma xiisoon
             xalay iyo habeen
             xidigahaab tirsanayey
             ma xuural-cayntiiyoo
             xay loo daawanayaa ?
    
              xiribihiyo indhaheeda
              xaashe'e deerada ah
              ma xeradiisa dayaxoo
              galsho isu   xeeraa ?
    
              xaragada talaabada
              xubnaheeda laafyaha
              ma xamar uguboo
              xarfo dhex socdaa?
    
              mise dhabi xanfar lushoo
              kolba xag u liiciyo
              xayaab rako laacoo
              is xeydaaminayaa ?
    
             timahani xanjaadkiyo
             laba xusul dherersaday
             ma xaadii goraygiyo
              haldhaa soo xinaystaa  ?
    
            xiiqiyo haraadkana
            deymadaada xalisee
            ma biyo xarfanayiyo
            xareed lagu oonbaxaa ?
    
              xinjirtiyo dhiigiyo
             xididaday raacdee
           ma dhilawyahanka xagasare
            geedaha isu xeeraa  ?
    
             xarafkeeda hadalkuna
             xagay ka dhawaaqdaba
             xabadkay rushaysee
             ma xays hooray baa  ?
    
    
    
    
     

Maayad    Dib U laabo

    
    
    Heestan la yidhaahdo  Maayada waxa igu dhaliyey inaan curiyo maalin ayaa anigiyo laba
    inamood oon saaxiibo nahay aan tagnay aroos ka dhacayey magalada wajaale gelinkii
    danbena aan ka amba baxnay hargeysa
    
    waxaan arooska joognaba waxaan mar kaliya indhahaygu qabteen inan la moodo leydh ka baxaya
    meel madow sankeeda liidka ah suniyaasha qaansaha sanqaroorka ku yiil runtii igu beeray
    dareen taasoo sababtay inaan is barano  iina sheegtay in iyana ay ka timid Hargeisa
    xaafada new hargeisa magaceegana iigu sheegtay mushtaaq  balse habeenkaasii calaf iskuman
    yeelan inaan in badan sii wada sheekaysano oo gaadhigoogi ay markiiba raacday
    
    meel dhool ku da'ayoo
    miraaluhu darooroo
    mayayguna barkadayoo
    mahiigaan ku tiixoo
    dirirkuna maansheeyey
    gudgudena masruufay
    
    maayadiyo durdurkiyo
    mowjadiihii daadadku
    u baratameen masaafad
    
    moqorkiyo xareediyo
    laasasku maaxdeen
    oo maalmo jiifeen
    
    mashxarada onkodkiyo
    milicsiga hilaaciyo
    musharax tahay cadceedu
    dayaxuna minxiis yahay
    oo isu meeray ilayskii
    
    ayaan kugu maseeyaa
    inanyahay marreegtad
    igu seeto marteediyo
    halkaad igu musbaartaan
    wali aan ku maaganahee !
    
    dhirtoo oo magooshoo
    midhihii hoobaantuna
    dhulka xubin kamiismeen
    
    madheedhkiyo tufaaxiyo
    geedahoo isu marmoo
    milicsaday cadceedoo
    laamahoo muuqaalka
    dhaayahu marxabeeno
    midigiyo bidix xidhay
    
    ubax meesha guradiyo
    muquuniyey guudkoo
    badhba muunad leeyiin
    
    sagalkiyo moodoo
    muudsaday dhalaalkoo
    midba dhinac ka nuurtoo
    
    jeegaantoo midabadiyo
    kaaha loogu maqaarey
    muriyad dhulka u ah]
    
    ayaan kugu maseeyaa
    inanyahay mareegtaad
    igu seeto marteediyo
    halkaad igu musbaartaad
    wali aan ku maaganahee
    
    inkastoon malayn karin
    meteli karin quruxdaa
    gidi maantoo idil
    hayeeshee midhbaan odhan
    
    waxaad tahay qof maankiyo
    maskaxdiisa kaashada
    oo maaley aqoontoo
    uguna muhato dheeroo
    macluumaad xambaarsanoo
    mufakir ah oo muraadleh
    
    waana mu'min khaalisoo
    muslimo lagu anqariyoo
    marna xishood lagu gardadsho
    maro xariira lagu qeydoo
    mabsuud lagu daadihiyey
    
    sida minitka saacadiyo
    muraaxadoo kalaad
    wadnaha ugu meertaa
    
    mowjadaha dhiigaad
    ku milantahayoo
    midabkaagu waa nuur
    milicsiga u rooneey
    
    ma ogtahay mushtaaqey
    mahadhada xusuustaan
    hadba soo mirkacayaa  !!!!
    
    
    
    
    
    
BAATIR IYO BAARQAB   Dib U laabo

    
    waa hees lamaane ah oon curiyey  kalana roganayaan nin iyo naag  waxaanan leeyahay
    
    NINKII :
    
    sida baatir ayroo
    dhul barwaaqo joogtoo
    illuhu burqanayaanoo
    berduhu is cidhiidhshay
    bidhaanteeda leedahay
    
    adaa bilic-haldhaaloo
    bogeyga calanku
    kaaga babanayaa
    
    ku boqraye adigaan
    caleenta bilicsan
    baarka kuu sudhayaa
    
    GABADHII :
    
    sida baarqab awrkoo
    boqol haraad la raacshoo
    banka wada daaqiyiyo
    cadceed soo baxaysaad
    bidhaanteeda leedahay
    
    adaa bilicda aarloo
    bogeygu iftiinku
    kaaga baxayaa
    
    ku boqraye adigaan
    ubaxani bilicsan
    boga kuu sudhayaa
    
    NINKII :
    
    sida balanbaalistoo
    belayada xareeday
    babaaygu ku liicay
    laanbalaan ku boodaad
    bidhaanteeda leedahay
    
    adigaan badweyntani
    biyahani i muquuray
    kaaga baaqayaa
    
    ku boqraye adigaan
    caleenta bilicsan
    baarka kuu sudhaya
    
    GABADHII :
    
    sida ceel bardaaloo
    bustaaanadeedii
    barqo roobkii helay
    biyo dhigay dhijaamahad
    bidhaanteedii leedahay
    
    beerkay adaa luloo
    aragaaga bilanbaan
    beryo quudan jiraye
    
    ku boqraye adigaan
    ubaxani bilicsan
    boga kuu sudhayaa
    
    
    
Boqorada   Dib U laabo
    
    
    waa hees lamaane ah oon curiyey  kalana roganayaan nin iyo naag  waxaanan leeyahay
    
    NINKII :
    
    sida baatir ayroo
    dhul barwaaqo joogtoo
    illuhu burqanayaanoo
    berduhu is cidhiidhshay
    bidhaanteeda leedahay
    
    adaa bilic-haldhaaloo
    bogeyga calanku
    kaaga babanayaa
    
    ku boqraye adigaan
    caleenta bilicsan
    baarka kuu sudhayaa
    
    GABADHII :
    
    sida baarqab awrkoo
    boqol haraad la raacshoo
    banka wada daaqiyiyo
    cadceed soo baxaysaad
    bidhaanteeda leedahay
    
    adaa bilicda aarloo
    bogeygu iftiinku
    kaaga baxayaa
    
    ku boqraye adigaan
    ubaxani bilicsan
    boga kuu sudhayaa
    
    NINKII :
    
    sida balanbaalistoo
    belayada xareeday
    babaaygu ku liicay
    laanbalaan ku boodaad
    bidhaanteeda leedahay
    
    adigaan badweyntani
    biyahani i muquuray
    kaaga baaqayaa
    
    ku boqraye adigaan
    caleenta bilicsan
    baarka kuu sudhaya
    
    GABADHII :
    
    sida ceel bardaaloo
    bustaaanadeedii
    barqo roobkii helay
    biyo dhigay dhijaamahad
    bidhaanteedii leedahay
    
    beerkay adaa luloo
    aragaaga bilanbaan
    beryo quudan jiraye
    
    ku boqraye adigaan
    ubaxani bilicsan
    boga kuu sudhayaa
    
    
    
MALOOLI   Dib U laabo

    
    
    Madaxdii dalkeeniyo
    Inta ah muxaafadiyo
    Inta ah mucaarid
    Murankiina badanbaa
    Waxaan miisaynee
    Lagu wada midoobee
    Manka iyo caleemaha
    Dhirta wada magooshaad
    Majaxaabinaysaan
     
    Hashu way magowdee
    Maanta yaan la gaagixin
     
    Ma ogtahay dadkeygoow
    Cadaw kaa maqanbaa
    Kugu soo maqanoo
    Ma ogtahay abeesadu
    Midabka dhulkeey
    Isu muuqyihiinoo
    Waxay maagantahayiyo
    Misgaha ku goysaa
     
    Hashu way magawdee
    Maanta yaan la gaagixin
     
    Hadaan mawdku ku helin
    Maalmahani silsiladaa
    Midba mid kuu dhiibtoo
    Murugiyo farxadba
    Waxa mawle qoriyo
    Calafbaa ku maamulee
    Micnahaagu yuu noqon
    Meel la salaaxaba 
    Madaxbaa u sareeya
     
     
    Mirkaca habeenkii
    Meel aan dhowaynbaa
    Leyga tusay muuqaaloo
     
    Waxa ii muuqdaa
    Ma miiraale rooboo
    Maansheeya dhulkoo
    Maaxato xareediyoo
    Lagu wada mabsuudaa??
     
    Mise duufaan xoogliyo
    Mowjadihii badiyo
    Masiibo soo socotoo
    Lagu muusanoobaa??
     
    Aan maleysto wixii roon
    Daa’in baa mahadlee
     
    Murtidaydu waxay tahay
    Muuqaaguba ogow
    Meesha uu ku bato
    Muunadaada luntee
     
    Inkastoo masaajidiyo
    Meelwalba salaada
    Miduun yahay imaamku
    Suuraduu marinaayo
    Haduu ku margado
    Muxaafidiintiyo
    Dadka inta meeldhowbaa
    Miyir ugu sheegee
    Ninka midig istaagow
    Kamid maha  diintee
    Macnahaagu waamaxay
     
    Ana maansadaydiyo
    Murtidaydu waxay tahay
     
    Maaliyo aduuniyo 
    Adoon minan lahayn
    Dumar lama majeertee
     
    Adoon muftiyo ahayn
    Macalinkii diineed
    Minbar lama fuulee
     
    Adoon maydhax diiran
    Misana aan soohin
    Meegaarka gurigiyo
    Xeer kuma meertide
     
    Ana maansadaydiyo
    Murtiday waxay tahay
     
    Inkastooy milicsiga
    Mida qurux urooniyo
    Ay ahayd madhaafaan
    Lama mehersaninoo
    maseyriyoo qeylay
    ku sii miltayoo
    milgihii gabdheedna
    maanta ay ku weyday
     
    intaad manfaciyo
    muus beerleedahaad
    miinoo aasaysaaye
    hadaad mashaqiyo
    meydkoo bata aad
    melab ku helayso
    mey kuu dhadhamaysaa
    hashu wey magowdee
    maanta yaan la gaagixin
     
    ana maansadaydiyo
    murtidaydu waxay tahay
     
    malooli sidiisaba
    hawl uma madhxayso
    maqashana gidigeed
    midhba waanu ku lahayn
    
    
    
    
DHULKEENA   Dib U laabo

    
    
    Dhulkeenu waa masno
    • Meel dhool uu helay
    • Uu dhirbaaxay mahiigaan
    • Dhibicdii mayeyguna
    • Daba-dhacday xays hore
    • Dabadeed dhamaantood
    • Dirir sii dhaqaajoo
    • Hogoshuna ku dhufatoo
    • Sagalkuna ma dhaafine
    • Dhowr cisho waqal da’ay
    • Saq dhexe gudgudiyo
    • Xareed dhigay miiraalahu
    • Dhamidood onkodeenoo
    • Dhowr saac ka dib
    • Durdurada dheelisocdaa
    • Isa daba dhaceenoo
    • Dhaliyeen daadadkoo
    
    • Dhirtoo is dugsatoo
    • Dhexda isu haysoo
    • Dhamaan wada magoosho
    • Midhihii dhasheenoo
    • Hoobaantu dhacaysoo
    
    • Dharabkiyo tigaadiyo
    • Dhuubadiyo dareemada
    • Ku dherersaday baldhooluhu
    • Dhulka doogu qariyey
    
    • Barbardhacday qoraxdoo
    • Dhigatay baalashoo
    • Dhumucdii falaadhaha
    • Ka dhex saartay daruuroo
    
    • Midab dhiiniyo casaaniyo
    • Moodoo dhalaalina
    • Dheega widhwidhaysoo
    
    • Jeegaantoo dhamaysina
    • Dheeha midabadeeda
    • Dhig dahab la moodoo
    • Kasii dhacday waqooyiyo
    • Dhinacaa koonfuroo
    
    • Goor xooluhu dhaleenoo
    • Geeloo dhaadhsaniyo
    • Dhay lo’ laga lisoo
    • Ruuxii dhamaabaan
    • Dhaxan aanay gelinoo
    
    • Ciyaaraha dhaqankee
    • Dhaantiyo baarcadiyo
    • Dhawaaqdooda luuqdiyo
    • Dhegtii maqashaaabaan
    • Dhaqaaq ogoleyne
    
    • Hidiyo dhaqankani
    • Ruuxii ku dhaadanlaa
    • Dhoof haduu u bareeray
    
    • Yaa dhulkiisan dihinsanee
    • Dheemantiyo dahabkiyo
    • Batrool laga dhurtiyo
    • Macdanta dhextaalee
    • Illaahay uu dhigay
    • Dhab uga baadhaaya
    
    • Dheelmashada hayaankana
    • Dhalandhoolka uu galo
    • Bal aan u sii dhaadhaco
    
    • Bada dhererka weynlay
    • Nujubkoo dhacaaya
    • Dhedigiyo laboodiyo
    • Dooni dhumuc yar
    • Dhabaha qaadaanoo
    • Dhimashiyo nololbay
    • Dhexda ay uu joogaan
    
    
    • Dharaaray saxaraha
    • Dhuumasho ku maraanoo
    • Iyagoo dhuuni go’ay
    • Misna hubin inta dhiman
    • Dhedigiyo laboodba
    • Dhabaha qaadaanoo
    • Dhimasho iyo nololbey
    • Dhexda ay u joogaan
    
    
    • Dacawaduba dhadhankiyo
    • Halkay shalay ka dhuuqday
    • Ku dhimataa maalinkale
    
    • Dhagaxii figta yaal
    • Ma arko dhul hoosee
    • Dhaqaalaha ilaahbaa
    • Qofba risiqiisa dhigee
    
    • Meydaan dhago lahayn
    • Wax idinka dhaadhacayn
    • Waanada dhuganayn
    • Dhibta ku waayo arkayn
    
    • Waxa loo dhimanayaa
    • Dhul shisheeyee weeyaan
    • Meel baraf dhacaayoo
    • Dhaqaniyo diin lahayn
    
    • Adoo dhowrtaystoo
    • Dhacdhac hela mooyee
    • Sharafbaanad ku dhargayn
    
    • Hablaheena dheehayee
    • Mariiin dhalaaalka ah
    • Timahu dhabarka joogaan
    • Dhoofee ee haajiray
    • Gaalla loo dhisayoo
    • Wey dhalan doorsadeena
    
    • Dhahariyo saylaciyo
    • Dhirtii gabileyiyo
    • Hargeysoo dhexdiiyaa
    • Nimco aan dhamaaniyo
    • Barwaaqo lagu dhergo
    • Allahayow na dhaxalsii
    
    
    
    
    
DHOOL   Dib U laabo

    
    
    
    
    Wuxuu Yidhi:
    Dhulkoo ay xareediyo
    Mayeygii ku dhuftiyo
    Dhibicdu ay qoysoo
    Dhirtuna bilic leedoo
    Dhabigoo liicliicayoo
    Dabayshu ay ku dheeshiyo
    Maayeerta dheeriyo
    Dhosoqoo isna meel fog
    Dhaayaha uga muuqdiyo
    Dhumay iyo eeridiyo
    Dheentiyo berdihiyo
    Dhigridiyo daanyadiyo
    Dhadhaabiyo bilcinkiyo
    Dharkeyniyo xamartiyo
    Dhediniyo madheedhkiyo
    Dhabastiyo cadaadiyo
    Dhuurtiyo xayaabkiyo
    Dhilawyahanka geedaha
    Dhanka sare isu mariyo
    Dhuwaniyo laamaloosh
    Dhool subax heliyo 
    Dharabku uu dul yuururo
     
     
    Dhooleey waxaad tahay
    Biyo meel dhaxsiisiyo
    Dhijaamada xarfanayee
    Laamaha ku soo dhacay
    Ay dhirbaaxayaanoo
    Ubaxyadii dhashayna
    Dhabankooda midabadu
    Ay is dhexgeleenoo
    Dhegihii balaadhshee
     
    Dhooleey waxaad tahay
    Halahoo dhaadsanaiyo
    Dhogoryaraha geeliyo
    Saca dhiinka ahee
    Dhudhubada lugaha
    Kula dhex jira xarediyo
     
    Qoraxdoo dhankeedii
    Dhigatay baalashoo
    Dhacadiid u jiiftee
     
    Dharaariyo habeenba
    Waxa dheygag xusuus
    Dhabanada la heystaa
    Hadba dhinac ka eegaa
     
    Siduu alle kuu dhigee
    Dhigiyo asaagaa
    Quruxdaad ku dhaaftee
     
    Dhooleey waxaad tahay
    Dhabeeliyo gaari iyo
    Midaan dhaliil lahaynoo
    Diinta ku dheeroo
    Dhaban aad u wacaniyo
    Qurux dhaaya jiidoo
    Lagu wada dhadhabayoo
    Dhexda taaka qabadka
    Midabkaaga dheehale
    Tinta dhalaalaysee
    Dhererka miciinsatee
    Ee dhabarka joogaan
     
    Hadaad hunguridhabaqiyo
    Dhuunta ii maraysoo
    Waan ku dhaadhicinlaayo
    Qalbigaad dhilataad
    Ku dhex dhigi lahaayoo
    Kugu dhowran lahaa
     
    Anoon xaraf dhibceynjirin
    Ama duldhigin xarakada
    Oo qalinku I dhabayaan
    Ka dhargi waa amaantaa
    Ana kuguma dheeraan
    Kuma dhihin xaraf wacan
    Wixii laabta dhignaana
    Dhibic kaala bakhaylin
     
    Dhooleey waxaad tahay
    Dhigta jeegaantiyo]
    Dhemantiyo dahabkee
     
    Dhuuxiyo lafihiyo
    Dhankastaba jidhkeyga
    Adigaa dhalaashoo
    Dhinbiilaha ku shidayee
     
    Qalbigaad dheyeysaa
    Dhaxantaad deyeysaa
    Jacaylkani dhutinayaad
    Dhidib aad u tahayee
     
    Dhugashada eegmada
    Waxaad iiga dhigantahay
    Dhulkeenoo barwaaaqadu
    Ramadku uu dhaloo
    Rayskuna dhinacyada
    Dhabta ay isu hayoo
     
    Dhowrcishiyo maalmaha
    Dharaartaanan ku arkin
    Baxnaanadu igu dheeraa
    Ma dhaanka sahanoo 
    Aan dhamaanayniyo
    Badweynbaad dhurayaa ??
     
    Ma dhabo la marayoo
    Dhiigu daadsanyaad
    Igu dhaqaajinaysaaa
     
    Dhirtaxanyaduba ogow
    Dhaawaca lug ku yimid
    Uma dhutinaysee
     
    Hadaan isu dhegnaano
    Isla dhadhamino waayaha
    Wado dhano caashaqa
    Kala dheeraan maynee
     
    Jacaylkana dhantaaliyo
    Ka illaahi dhaawacoo
    Oo dhowr maalmaha
    Dunidu dhamaanteed
    Waa gelin dhacaayiyo
    Dharaar soo iftiintee
     
    Sida dhayda caanaha 
    Dheyda loola doontaa
    Anigana dhankaagiyo
    Dhakhtar iigu kaa qoray
    
    
    
    
JOWHARAD   Dib U laabo

    
    
    
    Wuxuu yidhi:
    Sida jeedhajeedhoo
    Udug kula jiidhiyo
    Jaleelada geedoo
    Jeenigay isu haysiyo
    Jillab xoolo daaqaan
    Oo jaleecada geedaha
    Canjeel joog-dheeriyo
    Jiic ul laga  qoriyo
    Ajarsaha jirku naco
    Jeeriniyo nedekhiyo
    Jirmadiyo berdihiyo
    Jiiqiyo coboshiyo
    Jiridii xayramadiyo 
    Jaleefantoo baxdee
     
    Jawiguna haboonyoo
    Jeegaanta roobkiyo
    Daruuraha dul joogsaday
    Ay jugta danabkiyo
    Hilaacii jeexmay
    Isu jiibiyaanooy
    Jilbo dhigtay xareeduyoo
    Caraduna jilicdoo
    Doogu uu dul jiif saday
     
    Jeego-dhigtay qoraxdu
    Inta ay janjeersatay
    Jaaha iftiinkeediyo
    Kala jiiday falaadhaha
     
    Oo jaarkeedu dayaxu
    Cirka meel uu joogsadiyo
    Jago ka samaystayoo
    Soo jeedka cawayskii
    Meel jafliyo dhaantiyo
    Jaanta leysu beegiyo
    Nuurka aan ka joojineyn
     
    Ama jufoo beerihii
    Hadhuudhkii joogsadiyo
    Jararkii ceel xadiyoo
    Bustaanada jiitamay
    Joogteeyey roobkuye
    Durdur gu iyo jiilaal
    Kala joogsanaynoo
     
    Ama wabigii juboo
    Jeertiyo yaxaaskuba
    Ay wada jibaaxaan
    Jasiiradii sacaadadiin
    Oo jaxeedhku daaqiyo
    Agamsahoo jihoonka
    Babaaygu uu ku soo jabay
     
    Geenyo jarabaraneey
    Jowharad la moodyeey
    Jamaalka sideedaa
    Kama jeedsanaayoo
     
    Jalbeebta haasaawaha
    Markaad joogto agtayda
    Wadnahaygu jeexbuu
    Jacaylku ku fiilaayoo
    Jeedaalada waxad tahay
    Joohaar iftiinteee
    Ila jiid waadaantaa
     
    
    
    
    
BAAL-DAHAB   Dib U laabo

    
    
    
    Wuxuu yidhi:
    Marka ay barwaaqadu
    Baalasha dhigatee
    Dhool bari ka toosay
    Inta uu isbiirsaday
    Di’idii bilaaboo
    Borotameen dhibcuhu
     
    Oo badankood heegadu
    Isu wada baaqeenoo
    Cirkii buluuga ahaaa
    Baladhkiisa qariyeen
    Oo biligta hilaaciyo
    Onkod isu beegmeen
     
    Ooy dhulka boodhiyo
    Ka ilaasheen basaasoo
    Biyihii ku radiyeen
     
    Bilaneey waxaad tahay
    Baliyo meel baadloo
    Xooluhu biileen
    Biilaale gooniyo 
    Baarcad maadh-weydiyo
    Buriyo saxatidiyo
    Ay tigaadu baxdoo
    Diixiyo baldhoolahoo
    Boga isku hayoo
    Xarfaduna barkatoo
    Dugsanaya bardahoo
    Kala bixiyey laamahoo
    Bilcinkiyo dhabiguna
    Iska garab baxeenoo
     
    Billaneey waxad tahay
    Midhahoo bislaadiyo
    Ubaxoo bahooboo
    Badhba gees u jeesteen
    Sida bilis habloodoo
    Baalaha xinaystoo
    Baarkana caseeyoo
    Ay balanbaalistu
    Kolba mid ku boodoo
     
    Bilaneey waxaad tahay
    Il buur dusheedii
    Kasoo burqanaysoo
    Biyihii durdurayey
    Agteeda bustaaniyo
    Beera laga samaystoo
    Bahaladiyo ugaadhiyo
    Balxasheen xooluhiyoo
    Lagu wada oonbaxay
     
     
    Billaneey waxaad tahay
    Qorax soo baxaysoo
    Bururisay dhedadoo
    Falaadhahana baahisoo
    Oon duhurkii bacadiyo 
    Kul badan lahaynoo
    Barbarkooda daruuruhu
    Sida boqor la doortay
    Bari kasoo galbiyeenoo
     
    Bilaneey waxaad tahay
    Sida shinbirka baaskoo
    Bulbushiisa gilgiloo
    Beryo samo ku nooloo
    Dusha uga baxay dhirtoo
    Indhalaliska beegsiga
    Bidhaansada meel fogoo
     
    Bilaneey waxaad tahay
    Qaajiyo bulaaliyo 
    Boosiyo meydaliyo
    Xamariyo barooriyo
    Boodiyo caynaboo
    Isla borotamaayoo
    Oon meel lagu bi’iyo
    Bar dagaal la geynoo
    Bogcad leh tigaadiyo
    Belayada xareeda ah
    Barbarkooga daaqoo
     
    Oo beeshu nabad tahay
    Barbaartiyo dhalintu
    Barxadaa cawayskii
    Leysu soo baxaayoo
    Baar cadiyo dhaantada
    Jiibta leysu beegoo
    Jaanta leysu beegoo
    Labadii isu baahnaa
    Balan ay u noqotoo
     
    Suniyaal biciidley
    Timo baal goray ley
    Bilic haldhaaley
    Midab olol baxayiyo
    Bildhalatay u eegey
    Afku bar madow yahay
     
    Bogan waayey gama’oo
    Badhtamaha habeenkii]
    Adaa boga mirtoo
     
    Ka bogsanwaayey ishqiga
    Adaa beerkay shitoo
    Laabtay bireeyee
     
     
    Xaalkaagaan bilaneey
    Hadba ka bardadaayoo
    Waxaan beegso leeyahay
    Barta aad ku nooshahay
     
    Anigoon ku boojimeyn
    Waxaan kaaga baaqayaa
    Booraan jacayleee
     
    Adiguna bidhaantiyo 
    Quruxdiyo bilnaantaad
    Baaldahaba ka gashay
     
    Anigana bilaneey
    Jacaylkani I beegsaday
    Ma baabula aaroo
    Banaan iga helaybaa !!
    Ma badweyn tolow
    Aan baaxadagaayaa !!
    
    
    
    
QALANJO   Dib U laabo

    
    
    
    Wuxuu yidhi:
    Sida qaaje farasoo
    Qarqariyo seetiyo
    Bustaan lagu qoofashoo
    Oon qululiyo hayaaniyo
    Qumac dagaal tagin
    Ama qaanso roobaad
    Qabsatay cidhif yada
    Ama qorax arooryaad
    Subax leyla qadareey
    Indhahu qabtaaanooy
    Qalanjooy waxad tahay
    Balanbaalis qalimo loo
    Ubaxyada qaarkood
    Qarka sare yuururtoo
     
    Qudhac iyo galooliyo
    Quudiyo berdihiyo
    Quduriyo xamariyo
    Qeydariyo dhebi iyo
    Qarari iyo gobkoo
    Roobku uu ka qaadoo
    Hadii ay is qabsadaan
    Adigaa quusiyee
     
    Qiimihiyo tilmaamtiyo
    Hablihii qureysheed
    Quruxdooda adigaa
    Qalanjooy bilic dheer
     
    Qalbigayga adigaa
    Qoxiyo laangoba
    Intaad isu qabatay
    Xulado iga qiiqshee
     
    Qaashiy adaa seef
    Bogayga ku qashoo
    Wadnahayga qoliyo
    Qalcad ka dhistooo
    I qaadaa dhigaayee
     
    Xidadada dhiga qaadiyo
    Qeybaha jidhkeygaad
    Qori isugu dhiibtoo
    Dagaalbay iga qarxee
     
    Inaan qoslaayo iyo
    Inaan qiiraysnahaa
    Isaga kay qaldane
     
    Xiligoo qaboonoo
    Gowraha qaboobiyo
    Dadku qadhqadhayuu
    Dhididku I qariyaa
     
    Qalbigii ku raacoo
    Adigaa qaatayoo
    Qof hada joogoo
    Qaaliyeey maqanoo
    Qeybsamaan noqdaye
     
     
    Qumanow jacaylow
    Marnaqaxar la sheegow
    Marna qoys yagleeloow
    Hilaadi aad qeysiyo 
    Cilmi qabriga dhigtaa
    Hadalqaadkaagiyo
    Qof ba ugu danbeeyee
    Waatii baalku kaa qoye
    Lagu qiimayn waayee
    Ninkastoo soo qoystaba
    Macaan intaad u qaladay
    Aad qadhaadh waraabisay
     
    Anigana qaraariyo
    Midaad igu qasbeysaa
    Alla qaayo weynaaa
     
     
    
    
    
    
LIBAAX MAGAALO   Dib U laabo

    
    
    Waxa beryahan danbe dhulka Somaliland iyo Africa ba ku soo
     badanaya cudurka aan dawolahayn taasoo had iyo jeer laga 
    dhiidhinayo. Hadaba waxa maalin anigoo dhegaysanaya radio 
    Hargeisa aan ka maqlay Wiil uu hayo cudurkani oo ka 
    sheekaynayay sidii uu ku halleeley iyo nolosha cidlada 
    ah uu ku noolyahay taasoo igu kaliftay inaan erayo kooban
    ka idhaahdo Had iyo jeer dhalinyarta ku nool magaalada Hargeisa
    ayaa AIDS u yaqaan LIBAAX taasoo uu cinwaan uga ,
     dhigay maansadani kooban waxaanu yidhi:-
    
    • Laaleys meeldheeriyo
    • Laan xaraar ku taala
    • Ninka laac is yidhiyoow
    • Armada laagta ka dhacdaa !!!
    • Nin yaraan ku loofaroow
    • Lacagtu waa hawee
    • Armada ladh qoomamiyo
    • Waxaad lumisay raadisaa!!
    • Ninkay lugahiisu
    • Xumo ku leexiyoonow
    • Armada ledis hurdiyo
    • Laxaad ka aad weydaa !!
    • Ninka ladnaan rabee
    • Laf toobin ku hayoow
    • Lurta dhunkaaliyo
    • Armada dacarta leeftaa!!
    • Ninka libaax magaalo
    • Laamida ka helayow
    • Armada libidhood
    • Soo laaban weydaa !!
    • Ninka og leebiyo
    • Seefta loo lisanayee
    • Leydhu ay wadatoow
    • Armay luquntu ku go’daa !!
    • Ninka laba digniin helay
    • Ka libiqsaday waanadoow
    • Armu laf-dhabartiyo
    • Laxaw waara helaa
    
    • Ninka laabatooyinka
    • Xadhkahu ka lushaanow
    • Armaa lagugu laalaaboo
    • Liidnimo ku raaacdaa !!
    • Loolanka tartankiyo
    • Ninka kubada laagayoow
    • Armada laweydaayoo
    • Liidnimo ku raacdaa
    • Ninka waanada loogsadee
    • Laamaha ka boodow
    • Leexleexo badatee
    • Armaa jiifka lagaa helaa!!
    • By A.kadir raam
    
    
    
    
    
    
    
    
DAWADII BULSHADA   Dib U laabo

    
    
    
    Wuxuu yidhi:
    Sidaan ognahay waxaa dadka ka jira dhibaatooyin badan oo isugu
     jira qaar aan gacmaheena ku doorsanay iyo kuwo kale oo ka
     midtahay dhalinyarta qaadka iyo sigaarka quuta qabyaaladiyo 
    haybsooca umad aan quudhsanayIyo is aamin la’aan sababtahay
     is necbaansho ku salaysan qabiil iyo qaar kale oo badan oon 
    kaga hadlayo maansadani kooban Oo loo baahanyahay inaan
     iska dhaafno ahna dawada bulshada
    • Darku inuu bacaad yahay
    • Dawlisku iin leeyahay
    • Dacartuna malabtahay
    • Dawadiina bukootay
    • Aan kuu daliishee
    • Dabuubtayda maqal
    
    • Waxa dayax lagu tagay
    • Ee sahanka loo diray
    • Dabadeed maanta
    • Lagu maamulo dunida
    • Duruus weeyee ma ogtihiin
    
    • Doqonimo wax maydhiyo
    • Wax lagu dabiibiyo
    • Dibka eegiyo
    • Dhan loo dayaba
    • Dawo maleh ma ogtihiin
    
    • Deyr aanad lahayni
    • Dhaxan kaama diirshoo
    • Ku dayashada gaalkiyo
    • Inaad raacdo dawgiis
    • Oo dariiqii nebigana
    • Lagaa soo duwaa
    • Dagaal weeye ma ogtihiin
    
    • Marka roobku da’aa
    • Dooguna baxaayoo
    • Markaad nabadku degantaa
    • Darsina barataaye
    • Dul ahaan nabadu
    • Waa danteene ma ogtihiin
    
    
    • Qabiilkuna duliniyo
    • Daalinbaa wadwadoo
    • Dhuunigiisa ka doonoo
    • Dadku kala firdhiyaaye
    • Dugsi maleh ma ogtihiin
    
    • Dur-duraduunbaa
    • Daadadkuun dhashee
    • Inagoo isku duuban
    • Inaan noqono duul qudha
    • Dedaal weeyi ma ogtihiin
    
    
    • Dirir galbeed ka onkaday
    • Dib uma soo noqdee
    • Waqtigaad dayacdaa
    • Waa daruurqaade ma ogtihiin
    
    • Malabkii doocaan
    • Dacar hadaad kubedesho
    • Diiqashada adaa loo
    • Is dilee ma ogtahay
    
    • Dulinkani cagaaran
    • Iyo qiiqa daxalka
    • Naftay u daranyihiinoo
    • Jidhka wuu dumiyaaye
    • Waa diife ma ogtihiin
    
    
    • Oodu siday isu dultaala
    • Loo kala dalacaaye
    • Bidaariyo inyar durugiyo
    • Dirqi sibiqbay kugu gashaaye
    • Gaal muslin dilaaya
    • Inaad adna daawataa
    • Digasho weeye ma ogtihiin
    
    • Intaaso duruufiyo
    • Inkaloo dahsoonoo
    • Dubaaqayga ku jira
    • Waa dawo xumaatoo
    • Dibaan u raadinayaaye
    • Idinkuna dedaalkaa
    • Ila doondoonoo
    • Ila mara dawgaa
    
    
    
    
HABLAHA SOOMAALIDA   Dib U laabo

    
    
    
    Wuxuu yidhi:
    Sida faras sanaag daaqiyo
    • Suunaaliga nugaal
    • Ama senge barooroo
    • Lagu xidhay sitaacoo
    • Majiiraha sunsumayaad
    • Hablihii soomaalaay
    • Suuradeeda leedihiin
    
    • Sida daa’uus salad hore
    • Kala saydhay baalasha
    • Intuu wada siraaday
    • Sarta baalka dahabkiyo
    • xariir saafi la moodaad
    • hablihii soomaalaay
    • suuradeeda leedihiin
    
    • Sida goob samoo
    • Sareedoo barwaaqo ah
    • Seerma-weydo ku hooroo
    • Cal-calyada saafiga
    • Sagal hooray ku tiixaad
    • Hablahii soomaalaay
    • Suuradeeda leedihiin
    
    • Sida mooda galabeed
    • Cadceed sibiq dhacaysiyo
    • Dayaxoo samada ootay
    • Jeegaantoo safaniyo
    • Xidigahoo sabaynayaad
    • Hablihii soomaalaaay
    • Suuradeeda leedihiin
    
    • Sawirkiina wacanee
    • Sida midabka ololka
    • Sumad wacan indhihiina
    • Suniyaasha qaansaha
    • Sanqaroorka lagu ganay
    • Garbaha isu siman
    • Hablihii soomaalaay
    • Sebankani aduunyada
    • Idinka u wada sitoo
    • Suxulaad wax dheertihine
    • Dhaqanaka hasii deynina
    • Xishoodkana ha siibina
    
    
    
    
    
YARTAAN CALMADAY   Dib U laabo

    
    
    
    Wuxuu yidhi:
    Yartaan calmadee
    • Carabkayga ka go’ilaay
    • Waxaad tahay cir hooroo
    • Shafka ciida dhigayoo
    • Moqorkii callow ahaa
    • Gelin cabaara dabadeed
    • Cirif ka cirif xareedu
    • Saafi ay ku curatay
    
    • Carfiga saxansaxadiyo
    • Ceelashu buuxsameen
    • Caro san intuu dhigay
    • Afar caanomaal kadib
    • Tigaadoo cagaaroo
    • Dhulka lagu cimaamaday
    • Ubaxoo casuusoo
    • Cuskanaya laamaha
    • Caleemahu is qabsado
    • Hoobaantu ciirayso
    
    
    • Yartaan calmadee
    • Cindigayga ka bixilaay
    • Waxaad tahay cadceedoo
    • Casar gaaban joogtoo
    • Carceeriyeen daruuruhu
    • Ku caabiday falaadhoo
    • Cidhifkana uu dayaxii
    • Ku caawiyey nuurkoo
    
    • Cillaan u tahay jeegaantu
    • Midabada cajiibkiyo
    • Curinaysa kaladhada
    
    • Cishadii timaadaba
    • Inta rag ku caashaqa
    • Ku caleema saariyo
    • Inta dumar cuqdadiyo
    • Luuli loo caymadiyo
    • Aad ku dishay cadhada
    • Ka badan camuuda
    
    • Canbihiyo tufaaxiyo
    • Cambaruud la moodyeey
    • Cisiyo sharafbaad
    • Labada cugatoo
    • Caynkaad tahaybaan
    • Hadal cimidhinoo
    • Carab baan dhamayn Karin
    
    
    
    
AYAAN- DARAN   Dib U laabo

    
    
    
    Wuxuu yidhi:
    Inantii quruxdaay
    Indho ubaxleeyey
    Ilko dhuuxleeyey
    Timo-haldhaa u eegley
    Wejigeed iftiinley
    Akhlaaq suubanleeyey
    
    Ishaadu milicsiga
    Ruuxaad ku abaartaa
    Ashqaraar ma ledeyoo
    Axadkaad u qososhaa
    Sida mu’min aflaxoo
    Loogu abshiriyey janada
    Alfa goor ku mahadiyaa
    
    Aniguna ayaamahaan
    Kolba u abtiriyaayoo
    Wallee axad ishqi ihelay
    Kuma maqal aduunkee
    
    
    Sida qorax ileyskeed
    Ama olol baxaaaya
    Indhahaygu jaleecada
    Ingelina daawashadaa
    Kuma eegi karaanoo
    Waad ka awood badatee
    
    Ayaantaanan ku arkin
    Alhuuma jacaylkaa
    Hadba aaraa I fartoo
    Anoo abaabulanbaan
    Markaan ku ag-istaagaba
    Sida neef abaadey
    Iga lumaan ereyadu
    
    Aniguna ayaan daran
    Oogtii bermuudaan
    Moolkeeda aalaaye
    Ha iiga tagin aramida
    
    
    
    
BOQORADA(hees)   Dib U laabo

    
    
    
    
    Wuxuu yidhi:
    indho baarka ubaxiyo
    sida meel barwaaqo ah
    oo biyuhu durdurayaan
    bogsiinaaya dhaayaha
    
    baadashani fiiqanee
    sida balanbaalis aroorhore
    kasoo duushay bustaan
    bidix midig u booday
    
    timahani bilicsanee
    baxsanee dhaadheeree
    baalgoray sidiisii
    babinayaan dabayluhu
    
    yaa burciyo hargeisiyo
    booramiyo gebileyiyo
    boosaasiyo jig-jigiyo
    bay iyo gaarisa
    beryo kula negaada
    
    midabkaagu bilaneey
    sida meel banaanoo
    beeruhu ku yaalaan
    oo daruuro beegsadeen
    baarkana cadceediyo
    ileyskeedu badhxeen
    moodaa bilicsaneey
    
    sida bildhilataad
    nafta aad bidhaaniyo
    uba tahay bushaaaree
    sida bildhalataad
    nafta aad bidhaaniyo
    uba tahay bishaaree
    
    sida tahay bogeygiyo
    boodboodka wadnahaygiyo
    bidhiqsiga indhahaygiyo
    dhegahayga bu'doodiyo
    ayay bulsho weynta
    indhahaygu bilaneey
    aragaaga badsadaan
    
    yaa badhaniyo ceerigaabo
    guri kaaga beeroo
    ubad kula barbaarshoo
    noloshaaada bacadiyo
    kuba tusin beenoo
    beledkaa ku nastoo
    beryo kula negaada
    
    Alla boqoradaay
    bilicdii haween
    tii badh la siiyaay
    
    hadii aan basaaso
    yaa dhiigaag bilaney
    burcad iiga dhigoo
    beryo kugu dhaashada!
    
    beri hadaan anbado
    yaa bil nuuraysoo
    bi'inaysa gudcurkiyo
    bidhaan iiga kaa dhiga!
    
    bacad hadaan haraado
    gaajana ku biirto
    yaa meel baadliyo
    ilo biyo ah kaa dhiga!
    
    hadii aan bukoodoon
    belbeloon xanuunsado
    yaa dawo badbaadiyo
    i bogsiisa kaa dhiga !
    
    bankii wajaaliyo
    hawd banaan hadad tahay
    yaa dhool bariyo
    mahiigaan ku biyodhiga
    
    hadaad tahay baftiyo
    boqorkii la xidhanjiray
    yaa bogiyo shafkiyo
    beerkayga kugu tola!
    
    hadaad tahay bustaan
    yaa ka beera wadnahoo
    dhiigayga beylah li'i
    baxsaneey ku waraabsha !
    
    yaa jacaylkani ibeegsaday
    baaldahaba ku qoroo
    shimbir baarka ugu dhiibo
    beyd iga gaadhsiiya !!
    
    yaa berisamaadkay
    berberkay ku keenoo
    sheeko kuu bilaabo
    jacayl kuu bandhiga!!!!!!
    
    
    
    
soo socda   Dib U laabo

    
    
    
    Wuxuu yidhi:
    
    
    
    
soo socda   Dib U laabo

    
    
    
    Wuxuu yidhi:
    
    
    
    
soo socda   Dib U laabo

    
    
    
    Wuxuu yidhi:
    
    
    
    
soo socda   Dib U laabo

    
    
    
    Wuxuu yidhi:
    
    
    
    
soo socda   Dib U laabo

    
    
    
    Wuxuu yidhi:
    
    
    
    
soo socda   Dib U laabo

    
    
    
    Wuxuu yidhi:
    
    
    
    
Soo bandhige: Fu,aad Sh. (Bahda Mareegta Farshaxan)
Copyright ©2003- Mareegta Raadraac ee Farshaxan. All Rights Reserved.