SDWO
(London) Qaybtani waa tii labaad ee waraysigii Canjeex oo aanu ku qaadnay khadka
Internet ka isagoo jooga dalka Syria, qaybtii koowaadna hore ayaan idiinku soo
gudbinay. Waraysigana waxa la yeeshay Canjeex Mr Guled Cabdi oo ah gudoomiyaha
SDWO.
1.Su,aal - SDWO -Waraysigaagii
hore waxaad ku sheegtay in aanad waxba ka ogeyn xasuuqii Jaziira, Hadaba
waxa jira wiil ka badbaaday oo Magacaaga sheegay, taasi oo ah sida qudha ee
lagu ogaaday, Maxaad u malaynaysaa hadaa sababta uu ninkaasi magacaaga u
maqlay habeenkaas xasuuqa ama uu adiga oo qudha u xasuustay magacaaga?
Jawaab
- Canjeex - Wiilka aad sheegteen waxaan arkay waraysi uu bixiyay
2001 isagoo kuwait jooga uuna siiyay jariidada maandeeq cadadkii iyo maalintii
ay soo baxayba waad haysataan,wuxuu yiri:anaga oo hurudna goor habeen
badhkii ah ayaa waxaa noo yimid ciidan koofi cas ah waxay nagu soo kaxeeyeen
goyaashii aan qabnay anaga oo argagagsan wax dhibaato ah ay noo gaysteen waxaa
naloo kaxeeyay meeshii ay masiibadu ka dhacday waxaana ku dhex dhuuntay dad
mayd ah,marka waa bilaahi idinkaan idin waydiiyay ah ninkaasu muxuu ka ogaan
karaa cid wadatay ciidankaas meel waajib laga soo siiyay sidee se ku helay
magacayga iyo inaan ciidanka watay? anigu waxaan dhihi karaa ninkaasu wuxuu
ahaa mayd noole ,haddiise uu ninkaasu wax xaqiiq ah hayo soo kaxee oo keena
siiriya si uu uga markhaati furo oo igu cadeeyo inaan ciidanka anigu
taliyahiisii ahaa maxkamad horteed.taas horay ayaan uga jawaabay anigoo iri<waa
muaamarad dowle ah> waxaana cadaynaya isla bishiiba hargeisa ayaa ila
bedelay markii warkaas suuqa la geliyay oo snm afarta dhinac ka taagan
tahay,taas faafaahanteeda wakhtigeeda hala gaaro
2. SDWO -Xasuuqan
lama ogaadeen hadii aan wiilkaasi ka badbaadin habeenkaas, Maadama aad
xukuumada gaar ahaan ciidnka ku jirtay sarkaalna aad ahayd sidee bay
saraakiishii iyo dowlada inteedii kalaba u arkeen markay maqleen xasuuqii
Jaziira?
CANJEEX
- Arintan
argagax bay wadanka oo dhan gelisay waxayna soo dedejisay burburkii dowlada
somaaliyeed ee markaas telinaysay,waxayna noqotay qaadan waa,dadka badankiisna
maba rumaysan dhicitaankeeda.
3. SDWO - Maadaama
adigu aad tidhi kumaan jirin Saraakiishii xasuuqa geysatay marna arintan
wax ma ka weeydiisay sideey u arkayeen markaas iyo ka dib sideey u
arkayeen falkii foosha xumaa ee ay geysteen?
CANJEEX
- Horta aniga markiiba waxaa ila ii bedelay hargeisa laakiin intaan ogaa jaha
wareer ayay ku jirtay oo dadka intiisa badanba waxay uqaaten waxaan dhici
karin oo burobugaan ah,xataa kuwa la leeyahay way gaysteen waxaan qabaa in waa
ku beryay,waayo waxay galeen fawaaxish weyn,oo nadaamka dowliga ah ku xun.
4.
SDWO -Adigu laftaadu sideed u aragtay wakhtigaas xasuuqaas dhacay, ama siduu
kuu taabtay?
CANJEEX
- Anigu
waxaan u arkay masiibo qaran oo siday u dhacdayba keeni doonta bubrbur qaran
sidii dhacdayba ,siday ii taabatayna dad shacab ah oo aan dalkooddii iyo
guryahoodii hurda kuna nool caasimadii soomaaliya yaa intii la laayay oo la
xasuuqay dush ala ii saaray oo maqrib iyomashriq loo kala fuliyay
5.SDWO -
Xasuuqan Jaziiri kolayba muu ahayn ka qudha ee dhacay ee waxa lagu ogaaday uun
ninkaas ka badbaaday, maadaama aad sarkaal ciidan ahayd ma ka war heshay
xasuuq kale oo loo geystay dadkii Isaaqa ahaa ee ku noolaa Xamar, ama
qofqof ha loo dilo ma koox kooxbee?
CANJEEX
- Xanuuqaan horta wuxuu ku yimid kacdoon shacbi ah oo la mid ah kii dowlada
lagu riday oo kaa ka dambeeyay muddo labo sano ah kaas hore,gacanta ayaa
laysula tegay waxayna gaartay askarigii lebisnaa intuu lebiskii xooro inuu
xaafadaha ku dhexdhunto siduu u badbaadiyo naftiisa taasu waa wax lawada
ogyahay oo caan ah ,kolay maadaam aad qabyaalad u noqotay qabaailadii dowlada
la diriraayay mahay isaaq oo kale ah,haddad u jeedid reer sarakiishii dalka
waxaa isaaqu ku nabadgeli jiray meesha sarkaal mareexaan ah uu joogo,isdas
darteed wajiga ilaahay inaan arag maqalna maxaa yeelay jabhadaha ayay ahaayeen
wixii dadka qabiilka u layn jiray meesha ay indhaha ku saaran,mid jariirana
waxay uga duwanaatay xasuuqyada kale oo jabhadahu geli jireen waa tii kale ah
ee ka dhacday caasimada dalka
6. SDWO - Maxaad u
malaysanaysay wakhtigaas sababta loo xasuuqayey dadka Isaaqa ah?
CANJEEX
- sidaan maqlay mar dambe oo aan dad badan waydiiyay waati dagaaladu ka dhaceen
waqooyiga dhilinyaron aad u badan baa ka soo qaxday waqooyiga oo timid
muqdisho,marka kacaan waxaa u sabab ahaa inay rabaan sidii hargeisa oo kale inay
dagaal uga ridaan magaalada xamar ah,taasu inay burobugaan ahayd iyo inay jirtay
ilaahay ayaa iga og,inkasta oo aan mar dambe maqlay waxaa ka dambeeyay
odoyaashii sulaxa la magac baxay.
7.SDWO - Adigu ma
tagtay goobtii xazuuqu ka dhacay markii laga warhelay waxa dhacay?
CANJEEX
- Weligay
ma tegin marka ka hor iyoka dambe midna ,maxaa yeelay waa baadiye ilaa 25 km ka
fog magaalada sida la yiri
8.SDWO - Dad badan
oo elehkoodii ku jaray ayaa kolayba waraysigan akhrisanaya, markaa ma u sheegi
kartaa waxa ku dhacay meeydkii bada lagaga agtegay, hadii la xabaalayna,
xabaalahee lugu aasay?
CANJEEX
- War xataa inay dhinteen war kama hayo waana iga daacad ,siddaad u maqashay
ayan umaqlay.
9. SDWO - Goormaa
aad ka warhesheen in uu wiil ka badbaaday xasuuqaas maadaama aad sarkaal sare
ahayd, se sidee u arkayseen warkuu bixin doono, se ragii kale ee ciidmada ku
jiray marna ma isku dayeen in ninkaas la soo qabto intaanu sirta faafin?
CANJEEX
- Horta arintaan waxaan maqlay anigoo harseisa jooga goor galab ah ayaan
bbc da ka dhigaystay waraysigiisii ay ka qaaday sidaanse ku arkay
waraysiigiissii lagu soo daabacay jariirada maandeeq miyoosan guriga ahmed
sulayman joogin,sidee loogu dhacaa ooloogala bixaa guriga ahmed sulaymaan
10. SDWO -
Waraysigaagii hore dad badan oo akhristay ayaa intooda badani ku doodayaan Hadii
ay dhab kaa tahay maxaad ula soo xidhiidhi weyday xukuumada Somaliland una
sheegi weeyday inaad diyaar u tahay inaad maxkamad hortago kana cadayso
diidmadaada, sababtoo ah xukuumadu way qaadi kartaa nabadgelyadaada hadii ay
dhab kaa tahay inaad sharci kaga baxdo eedeemaha?
CANJEEX
- Horta arintaan ka hor 2000 anigoo america u socda ayaa canaasiir isaaaqa
ka mid ah i dacwaysay waxayna igu dacweeyeen ins ka dibna interta <open>
ayay geliyeen,markaa waxaa lagu soo daabacay magaalada harseisa jariirada al
jumhuuriya oo uu yiri qoraagaasu<ganaraalki xasuuqii jaziira ibrahin xasan oo
nairobi iska dhex mushaaxaayaa oo magac been ahwiilkiisu ugu soo diray sponsor
si uu america ugu dhoofo iyo hadalo ka daran> halkaa waxad ka garan karta
dulmiga beenta ahoo dusha layga saaray xataa ma aqoon waayay magacayga ama muxuu
u weydiin waayay saraakisha isaaq ah oo i taqaana hadu kolay i
masabidanaayo iasga iyo kula la mid ahba ,waxay qaateen masawirkagay anigoo
nairobi dhex socda,waxayna u direen meel kasta oo aduunka ka mid ah ,taasi
sharci islamka ama kan dowliga ah kii banaynaaya ?dowlada soomaliland laga
bilaabo madaxweynaha ilaa kan u hooseeya waa ragii dowlada soomaaliyeed u
shaqayn jiray sidaan amba u aqaano qaar badan oo ka mid ah,bal horta maxay iyagu
xog ka hayaan iyaba waa ragii dowlada u shaqayn jiray?
11.SDWO - Diyaar ma
u tahay inaad maxkamada Somalilad adigoo qareenkaaga wata la soo istaagto
wiilkii ka badbaaday xasuuqaas ee magacaagana shaaciyey?
CANJEEX
- Hada
waxaan jooga suuriya waxaan ku leeyahay qareen wiilkuna wuxuu jooga kuwait
waxaan idinka codsanayaa intaad qareenkiina soo kaxaysataan ,maadaam wiilkana
aan meel isu dhow aan joogno soo kaxeeya kalkana isugu kaaaya keena taasi waa
codsi ,mar labaad codsi iyo sadexaad si aanu maxkamad ku taala dal carbeed oo
walaalaheen ah ugu kala baxno
12.SDWO - Waad ka
warhaysay xasuuqii mudada ka socday Somaliland iyo burburkii loo geystay, taas
darteed waxay dhalisay in somaliland ay gaar isu taagto oo anay somaliya ka mid
noqon arinkaas sideed u aragtaa shaqsi ahaantaada?
CANJEEX
- Guleedow somaaliland oo kaliye ma burburin ,soomaaliya oo dahn ayaa burburtay
waxaa la dilay ama gaajo loo dilay la malyan iyo bar ,waxaa dibada u cararay
labo malyan iyo bar ,haddii aad i weydiisay somaaliland gooni isu taageeda anigo
siyaasdi la ahayn hadana kuwa qabqablayasha ma ku jiro,laakiin aragtidatda
shaqsiga ah ummadda soomaaliyeed waxay wadaagtaa dhiig iyo dhaqan waxayna ku
maarmin dhaqaalaha iyo bulshada,haddayse kala goayso ama isla jirayso ragga
siyaasiyeenta hormoodka u ah ayay u taala,waxaase jirta oo aan qabaa aduunku
sharci buu ku dhisan yahay bulshada caalamkuna waxay isticmaashaa sharcikaas ,marka
kolay sida magaciina ku cad waxaad tihiin qolooyinka u ololeeyaa gooni usu
taagaa somaliland,waxaan idinkula talin lahaa qanuunka dowliga ah waafajiya
13.SDWO -Bubrburkaa
Somaliland ka dhacay iyo guud ahaanba Somaliya waxa loo lagu eedeeyaa ciidamadii
xukuumada ee la odhan jiray ciiidanka xooga dalka oo awoodoodii u isticmaalay
sideey rabeen, adna sarkaal ka tirsan baad ahayd ciidankaas, sideed u aragtaa
arinkaas?
CANJEEX
- Ciidankii xoogga dalka soomaaliyeed wuxuu ahaa ki dalka daafici jiray waad
garanaysaan 64 sanaadku markuu ahaa amaa 77,marka waxay ila tahay ciidanku wixii
siyaasigu u diro ayuu qabtaa anigu waxaan wax ku soo bartay wadanka
ruuhka,waxaan ka baranay maahmaah ciidanku aad u istcmaalo oo ah:<anigu
hadaan taliye kuu ahay adigu xoolaad tahay>macnahu waa amarka qaado hana
fakerin,markaa waa dalka daafac oo kale ah,miyaadanse ogayn guuleedow in
ciidanka siyaasad la geliyay in qabiil walba intiisii u yeertay inay
siyaasiyeentu guryahooda kula shireen habeenkii iyo la yiri orda ethopia
taga oo soo dagaalama wax kasta oo aad u baahataana annaga dalka gudihiisa
idinla fadhina,saraakiishii dalka wax u soo baratay oo haday maamulka saluugeen
inqilaab samayn karay waxaa loo wada diray ethopia oo adba aad ogtahay qadiyada
noo dhexaysa oo soo jiraagga ah<waa dad iyo dul>marka waxaan kugu
raacsanahay in xoogga dalka soomaaliyeed uu dlka dumiyay,laakiin yaa ku dimiyay?
siyaasigiisii, maalqabeenkiisii, aqoonyahankiisii.
14.SDWO -
Gebogebadii maxaad odhan lahayd dadkii ehelkoodii lagu xasuuqay Jaziira iyo
dhamaan shacbi weynaha Somalilandba?
CANJEEX
- waxaan ka xumahay in la xasuuqay dadkiina ayaa oran lahaa ,waxaan kaloo oran
lahaa samir iyo iimaan alla hagana wada siiyo,waxaan aidinla qaba
xasuuqaas ummad soomaaliyeed oo aad iyo aad u badan min waqooyin ila
koonfur welina hada waa socotaa alla ha ka joojiyo ,gabagabada qoraalkaygan
waxaan ku leeyahay guleed cabdi sheekhaashow ilaahay baan kugu daarsee ilaa
xaqiiqo laga gaaro haka harina arintaan adiga iyo saaxiibadaaba waxaana la
hadlayaa inta ilaahay ka baqaysa oo daacada ah ogna in qabri iyo qiyaami ka
dambeeyo, waa bilaaahi towfiiq.
Halkana
waxaan ku soo gebogeeynay qaybtii labaad ee waraysiyadii aan la yeelnay
Gaashaanle Sare Ibraahin Cali Bare (Canjeex) isagoo jooga dalka
Syria, Hadii aad xiisaynaysid inaad su,aal gaara weeydiiso Canjeex waxaad
noo soo dirtaan email ama wax warbixin ah aad ka hayso xasuuqaas gaar ahaan
nimankii uu xusay canjeex inay habeenkaas la joogeen hadii aad garanaso
meel lagala xidhiidhi karo sida Maxamed Cabdilaahi Buraale(ina wilad) oo
wakhtigaas ahaa Taliyah Hawlgalinta Guutada
ee Guutada Labaad ee Taangiyada, sida uu canjeex sheegay markii
udanbaysay ninkaasi wuxuu ka tirsanaa ciidamada Somaliand iyo Sadex Xadhiglle
Maxamuud Afrax shunuunac oo Canjeex
sheegay inuu ku sugan yahay Xamar iyo Gaashaanle Sare Cabdi Hire Guhaad oo
markaas joogay halkuu armarku ka soo baxay siduu Canjeex ku sheegay
waraysigiisii qaybtii hore imikana jooga dalka Maraykanka (Minosto).
Waraysigan waxa khadka
internetka ku qaaday Gudoomiyaha SDWO Mr Guled Cabdi
|