BBC iyo Warbaahin reer Galbeed BBC iyo Warbaahin reer Galbeed -------------------------------------------------------------------------------- Waxay aniga ila tahay in laga hadlo laanta afka soomaaliga keliya inay tahay figrad aan habaysnayn oo waaqiciga runta ah aad uga fog, sababtuna waxay tahay dooda ku saabsan BBC laanteeda afka soomaaliga waa figrad gabow ah oo imminka laga gudbay waxayna ahayd arrin socon jirtey xilliyadii TODDOBAATAMEEYADII iyo SIDDETAMEEYADII. Waxaanna imminka la soconnaa in imminka laga soo gudbaayo ku tiirsanaantii war baahineed ee BBC da oo dhan oo aan ku koobnayn laanteeda afka soomaaliga keliya, waxaan la soconnaa in waxii ka horeeeyey sannadkii sagaashankii (1990), dadka carabta ah ee dhegeysta (BBC) da laanteeda afka carabiga ay gaarayeen saddex meelood marka loo qaybiyo laba meelood,mararka qaarkoodna xitaa qiyaaso intaas ka sii durugsan oo ah afar meelood ahaan saddex meelood ayaaba la sheegi jiray,waxayna idaacadaas ay carabtu ku tiirsanayd ay ahayd mid borobogaandada aan ku naqaan laanteeda afka soomaaliga mid ka sii durugsan faafisa, waxaanse la soconnaa maanta in carabtu ay ka bogsadeen xanuunkii BBC ee ku dhisnaa eexashada, xaqiraada, borobogaandada iyo beenta la dhoobdhoobay intaba. Waxana maanta dunida carabta la sheegay inay dhegeystaan tiro aad u yar oo ku dhaqan goobaha aadka uga fog idaacadaha (LOCAL) ka ah, iyo meelaha aan dabka layr tiriiggu (korontada) aanay gaarin, taasoo ay ugu wacan tahay iyada oo dunida carabta uu ka dhashay isbeddel amaba wax lagu sifayn karo kacaan warbaahineed ( Media Revolution ) guushaas oo loo aanaynayo isbeddelka ka dhacay adduunka xagga is gaarsiinta, taasina waxay ka dhigtay in xilligan dhammaan warbaahinta reer galbeedka oo ay (BBC) ugu horrayso ay ka noqdeen waxaan qiima lahayn dunida carabta isla mar ahaantaana ay warbaahinta reer galbeedku ay imminka ku tiirsan tahay kana war sugaan tebinta warbaahinta carabta iyagoo xitaa ku fashilmay inay warar ka soo diraan dunida carabta lagagana dheereeyey tartankii wararka ee sannadahii la soo dhaafay, iyagoo adduunyada kaleetona oo ka baxsan reer galbeedka iyo reer galbeedka laftiisana ay tebiyaan wararka warbaahinta carabta oo keliya haysashadoodii warbaahineed ee adduunka ee xilliga dheer ay imminka qiima beeshay waa war baahinta reer galbeede, waxaa kale oo iyaduna wax xiisa badan leh iyadoo dalalka ku yaalla qaaradda (Asia) dhammaan aan imminka la dhegaysan idaacadda BBC iyada oo kula hadasha in ka badan (30 AF) waddammada ku yaalla qaarada Aasiya,waxaana lagu soo warramay in dadka dhegeysta idaacaddaas ay hoos u dhaceen in ka badan 60% dadkii hore u dhegaysan jirey idaacaddaas oo ( Credebility ) gii uu ka lumay. Waxaan kale oo akhristayaasha aan xasuusinayaa in dadka ku dhaqan dalka (India) oo daawada telefishannada BBC iyo CNN ay tiradoodu tahay oo keli ah laba milyan (2,000,000) taasina waxay kuu caddaynaysaa in xilligii ay qandaraaska warbaahinta reer galbeedka oo ay BBC ugu horraysay uu imminka uu dhammaaday loona gudbay xilli cusub oo cid waliba ay iyadu xukumayso ( MEDIA ) heeda. Waxaanna rajaynayaa in dhowaan amaba uu waqti keli ahi innaga xigo markii ay Soomaalida iyo Afrikaanka kaleba ay ka bixi lahaayeen ku tiirsanaanta BBC lagana sheekayn lahaa (BERIGII BBC) da. Waxaan hadalkayga ku soo gunaanadi lahaa sida aynu haddii aynu nahay Soomaali uga kaaftoonnay BBC da boggeeda internet ka oo dadka akhrista ay tiradoodu ay tahay mid aad u yar amaba aan waxaan jirin waxoogey uun dhaanta inaynu u tabaabulshaysanno inaynu si buuxda irdaha ugu laabno ku tiirsanaanteenna idaacadeed iyo weliba war baahinta kale ee reer galbeedka oo aynu furanno iddaacado,telefishanno, iyo wargeysyo iyo warbaahin kale oo leh nidaam akhlaaqeed oo dhawrsoon oo aan ahayn jaantaa rogan aan tifaftir lahayn oo sharaf iyo hufnaan ku shaqaya, oo aan looga dan lahayn ka guurnay BBC dii, isla mar ahaantaa gala meeshii ay buuxin jireen warbaahinta reer galbeedka oo markaa aan innagu xukunno wararka ka baxaaya dhulkeenna Soomaaliya iyo Afrikaba sidii ay hore u yeeleen Carab iyo Asian. Mahadsanidiin, Hamud Aadan hamudadan@hotmail.com Xigasho: http://www.mudugonline.com/2004/september/230904aragti3.htm