Mareegta Far-Shaxan
|
|
Mareegta Far-Shaxan |
|
|
| ha moogaan mareegta u ban baxday raadraaca taariikhda, dhaqanka iyo hidaha |
| Tifatirayaasha Farshaxan way ka madax banaan yihiin fikradaha gaarka ah ee ku sugan halkan |
|
|
Hordhac
Qalinkii - Khaalid Jaamac Qodax
Taariikh Suugaaneedkii Abwaan Axmed Aw-geedi “Dheeraad ”
Ahmed Aw Geedi “Dheeraad” waxa uu ku dhashay magalada Berbera ee gobolka Saaxil sannadkii 1966kii.
Waxa uu ku bar-baaray magaalada Hargaysa,halkaas oo uu waxbarashadiisii dugsiga hoos/dhexe iyo
saraba uu ku qaatay, ilaa haddana daggan yahay.Axmed yaraantiisiiba suugaantiisu waa tis-qaaday,
waxaana laga xiisayn jiray goobaha waxbarashada,oo uu ka bilaabay suugaantiisii hore, ama uba
ahayd bar bilow. Waxa uu Axmed isaga oo yar uu ka qayb gali jirey tartan aqooneedyadii loo samayn
jirey dugsiyada .1985-kii ayaa isaga oo dhigta dugsiga sare ee Gacan libaax ee magaladda Hargaysa
uu ka qayb galay tartan aqooneed suugaaneed oo loo qabtay dugsiyadii sare ee wakhtigaa jiray.
Waxaana xusid mudan in heestii ugu horreysay ee uu allifo ee la odhan jiray ”Hay-huruufin”, ay ka
mid noqotey heesihii uu kaalinta koowaad ku galo dugsigiisu.Abwaan Axmed Aw-geedi, waxa uu ka soo
qayb qaatay halgankii dheeraa ee dib u xoreynta dalka, waxa uu ku lahaa kaalin muuqata, waxa uu ka
mid ahaa abwaannadii faro ku tiriska ahaa ee ka soo horjeedsaday dawladdii Maxamed Siyaad Barre,
waxa uu kaalin wax ku ool ah ku lahaa halgankaas dheer.Suugaantiisu waxa ay soo shaac baxday ka
dib markii laga dhagaystay Idaacaddii Raadiyoow S.N.M, ee ku taal magaalada Baligubadle.
Dib u xorreyntii dalka waxa uu ka mid ahaa abwaannadii ka qayb qaatay dib u dhiskii dalka, waxa uu
maansooyin badan oo nabad-doon ah uu ka tiriyay Khayriyada magaalada Hargeysa. Abwaanku waxa uu ka
mid yahay suugaanyahannada dhaqanka iyo hiddaha in badan ka maansooda,waxa u dheer isaga soo
nooleynta dhaqankii hore ee duugoobay, waxa uu daraasado badan ka sameeyay dhaqankeena iyo sida ay
iskugu xidhan yahiin deegaanku, waxa kale oo uu cilmi baadhis ku sameeyaa soo noo leynta hees
hawleedyadii dhaqankeenii hore ee reer guuraaga ahaa.Suugaanta abwaanku, waxa ay soo jiidatay
aqoonyahanno badan oo shisheeye ah, waxaana loo turjumay suugaantiisa af-af kala duwan sida:
Ingiriisi, Faransiis.Abwaan Axmed Aw-geedi, waxa uu ka maansoodaa, qaybaha kala duwan ee nolosha,
sida: Dhaqanka, hiddaha, colaadda,nabadda, deegeenka, xayawaanka, jacaylka. Abwaanku waxa uu
leeyahay dhawr riwaayadood, oo aan ifka arkin, iyo kuwa arkayba, dhammaantoodna waxa ay ka siman
yahiin hogo-tusaaleynta iyo wacyigalinta dadweynaha. Dhanka kale dhammaan heesaha abwaanku waxa ay
ka hana-qaadeen in laga dhagaysto daafaha dunida, gaar ahaan warbaahinta caalamka sida; BBC-da,
Radiyoow Hargaysa, Radiyoow Muqdisho, TV-ga iyo Radiyoowga Jabuuti, iyo Baraha internetka ee ay
soomaalidu leedahay
Dumar Waa madhaafaan Dib U laabo Dumar Waa Madhaafaan Waxa ay maansadu si qiimo leh u qiraysaa, kartida, aqoonta,hufnaanta iyo xaq dhawrka ay haweenku mudan yihiin.Dhanka kale waxa uu abwaanku xasuusan yahay in waxa rag is dhaafiyaa ay dumar yahiin, sidaa daraadeed, waxa uu ku duceysanayaa in uu Eebbe siiyo gabadhii uu ku dagi lahaa. Wuxuu yidhi: Haween maxaan ku diidaa? Ama kaga durkaa tolaw? Sowtay doraad galab Anigoo itaal daran Dabka ii shideenee Ina soo dugsiyayeen Haween maxaan ku diidaa? Ama kaga durkaa tolaw? Sowtay laf duudkiyo Dusha sare i saareen Dhabarkii daloolshamay Cududuhuna daaleen Haween maxaan ku diidaa? Ama kaga durkaa tolaw? Sawtay daleeliyo Diif iyo laleemiyo Dacas iiga dhaasheen Sareedana i daajeen Haween maxaan ku diidaa? Ama kaga durkaa tolaw? Sawtay gabaan dihin Intey doobi qaateen Dabeed ii gobsheeyeen Buqul iiga duugeen Dunji dhalanka waayaha Hayaanadii isdaba joog Wixii daal la soo maray Dadaal kuu rag soo galay Dumar baa kabaayoo La duduucay hawshii Nin kastoo dul qaataba Dumar baa bar-baarshoo Nin kastoo dadnimo leba Dumar baa kabaayoo Nin kastoo bah deeqaba Dumar baa kal-kaaloo Nin kastoo la doortaba Dumar baa u hiishoo Nin kastoo hal-dooraba Dumar baa u liil galay Haddaan dumar abuurayn Dadku may tarmeenoo Haddaan dumar abuurayn Dirba muu jireenoo Haddaan dumar abuurayn Farac muu durkeenoo Haddaan dumar abuurayn Dirba muu jireenoo Haddaan dumar abuurayn Duug muu hadheenoo Haddaan dumar abuurayn Lama kala dab qaateen Dugsi laga aflaxo iyo Waa deris ma dhaafaan Dunji lagu arrooriyo Dun tafiiran weeyaan Degel lagu nagaadiyo Gallad weeye lagu dego Damal lagu nasanayiyo Waa deeq Rabaaniya Sideebaan u diidaa? Sideebaan u daayaa? Sideebaan u deyrshaa? Sideen uba dagaalaa? Dumar waa madhaafaan Iyo duuga noloshee Allahayaw mid diintiyo Ehebtaadu deeqdoo Derejeysa aayaha Allahayaw mid diiqiyo Duco waalid sidatoo Oon loo dar-daar werin Allahayaw mid deeqloo U dadaasha samahoo Oon didin goolmoon Allahayaw mid aan dudin Ama aan il dabinoo Dadku gacal u wada yahay Allahayaw mid ii daran Kaa dooni maayee Eebbaw mid daacada Ii door Allahayaw Midii aan ku dagi laaBaadi Sooc Dib U laabo Baadi-sooc Heestanna waxa aad ku dhex arki doontaa suugaan qiime leh, oo ku arooraya dhaqankeennii aynu gaarka u lahayn, waxaanu astaan gaara ka bixinayaa abwaanku hiddaha iyo dhaqanka aynu gaarka u leenahay ee cid inala wadaagtaa aanay jirin, “Waa sadkeeniyo,Sawraceenoo, Sinjaan ulahayn . Wuxuu yidhi: Seehi geeloo Sadex boqol iyo Sagaashan habeen Uu sid keed yahay Waa sedkeeniyo Sawraceenoo Sinjaan ulahayn Baarqab suguloo Maraq saarkiyo Ilaa sararaha Dhibidii simay Sange shaal iyo Sitaac quruxliyo Laji sudhantoo Sindiyaal lulay Darmaan sebiyoo Gaasabixinoo Sidii wiil curad Sixin lagu habo Waa sadkeeniyo Sawraceenoo Sinjaan ulahayn Sac irmaanoo Weyl aan socod baran U siyaaxiyo Gadhoodh iyo subag Dibi suudh loo Sarar waynoo Seero daaqoo Geesku samay yahay Waa sedkeeniyo Sawraceenoo Sinjaan ulahayn Orgi salawloo Suurad bahalloo Seenyo dhuuxeey Sinsaaro udhigay Sumal gooloo Tiro suuriyo Sabeenaha ugub Jeeni wada sudhay Waa sedkeeniyo Sawraceenoo Sinjaan ulahayn Suuban boqor iyo Saddex qayd iyo Bafto sidatoo Subeeciyad xidhan Waa sedkeeniyo Sawraceenoo Sinjaan ulahayn Barbaar seefiyo Hooto samayliyo Saddex geesiyo Sita dhuugii Waa sedkeeniyo Sawraceenoo Sinjaan ulahayn Boqol sooniyo Guurti sooftoo Sama talisoo Geedka lagu sugo Waa sedkeeniyo Sawraceenoo Sinjaan ulahayn Seerma waydiyo Dadkoo saxal baxay Dhallin saxanoo Sacab tumataa Waa sedkeeniyo Sawraceenoo Sinjaan ulahayn Surad iyo lool Gaari soohdoo Gabadh lala sugo Dhibaad iyo sii Waa sedkeeniyo Sawraceeniyo Sinjaan ulahayn Marti socotoo, Sama faliddeed Sumal gooliyo Sogob loo qalo Waa sedkeeniyo Sawraceenoo Sinjaan ulahayn Sooryo xididoo Xeedhyo saabliyo Caanihii sulub Habeen lagu sedo Waa sedkeeniyo Sawraceenoo Sinjaan ulahayn Baadi sooc iyo Dhaqan suganoo Soo jireenoo Aan sal guurayn Waa sedkeeniyo Sawraceenoo Sinjaan ulahayn Rabaw saawiyo Saxal cudur iyo Aafo socotiyo Sadho naga hay Rabaw sigashiyo Col saqaafiyo Weerar siman iyo Sumuc naga furo Rabaw siigiyo Abaar suruqdiyo Soof idlaadiyo Saban naga dhawr Rabaw silic iyo Saac fogaadiyo Saba guurtiyo Saymo naga kori.Bakeyle Dib U laabo Bakeyle Maansadan waxa uu abwaanku curiyay sannadkii halganku qadhaadhaa ee 1986-kii, waxaanay ka mid tahay Maansooyinkii Raadyahii SNMta la saari jiray ee halganka ku caan baxay, waxa ay si dul mar ah uu sharraxaysaa geesiyaashii dalkooda u soo halgamay,waxaanay duraysaa kacaankii faashiistaha ahaa. Wuxuu yidhi: Adigaa Bakeyloow Baqe geed ku dhuuntoo Naf la baydadaayee Baarruudan qarraxdaan Beerka u dhigaayoon Wed ku beegso leeyahay Bi’iwaaye ma ogtahay Burkii aad galeysaa Cadaawahu u bu’ayaa Boqorkii ugaadhow Lama baraq nuglaadee Birmad iigu deeqoo Biciidkiyo dibtiigii Cawshan bananka tooreyn Ama goodir Buurreed Bah intaad wadaagtaan Guutooyin soo bixi Iyo gaasas xoog badan Axdi lagama baydhoo Ballan lama fudeydshee Marka buunku yeedhee Safeyn loo balaadhee Habar wacasho badatee Boobuhu san-qadhayaan Tagoogtada buuxdiyo Laxaadkaaga baaluqay Dakhso iigu soo biir Baashaha an derisnoow Adigeys ka baaddoo Boholaha ku daahee Waa horuu baraarugey Badi habar duggaagoo Qabsoo boowe haaduna Igalama bakheyline Kolaan baaqa sii faro Waajibkood ka soo Baxe Waaryaa baahi laawow Baliyadaad cabeysiyo Doogaad u baratoo Colaad kuma bilaatide Bilad aan ku siiyoon Dhaqso kuu bogaadshee Inta aad badheedhaan Adigiyo ba’ ceeb laba Bar-barkayga soo dega. Waaryaa booda dheeroow Markaan libinta bo’ganee Ragga kala baqoolee Cadawgeenu baaba’o Weynu tegi badhii Herer Adna boqol ku qaybow Beertii xorriyadiyo Toga baalihiisaad Baashaali doontaaGodlan Dib U laabo Wuxuu yidhi: Haddii aan si kooban u sharraxo gabaygan oo ahaa mid soo baxay 1991, lana yidhaahdo “Godlan”. Waxa uu si toosa u taabanayaa saddex arrimood oo nolosha bulshada Soomaaliyeed ku wajahan, kuwaas oo kala ah: Ugu horrayn hannaankii ay mujtamacii hore ee soomaaliyeed u noolaayeen oo ahayd xoolo dhaqato reer guuraaya, iyo hannaankii ay isku maamuli jireen bal waxa laga faa’iideysan karo ee cilmi ah..Waxa kale oo uu Gabaygu taabanayaa dhalliilayaana, hannaankii kaligii taliska ahaa ee Siyaad Bare iyo siday dadku ugu hungoobeen maamulkiisii. Waxa kale oo uu gabaygu ka warramayaa kacdoonadii iyo dadkii naf iyo maalba u huray rididii dawladii Siyaad Bare, ugu dambayna waxa uu abwaanku farriin waano culus xambaarsan u soo jeedinayaa guurtidii iyo maamulkii gacanta ku dhigay mujtamaca Gabay waala tiriyaa Cabdaw, kani se waa gaare Waa duco gudeysiyo ammaan, geesi soo diraye Waa gocasho raagtiyo ladh iyo, hibasho ii gaara Waa geydha roobkiyo ufada, galuhu keenaaye Waa raxan gadoodiyo libaax, beesha soo galaye Waa faras gudoodiga bartiyo, gaade iyo weerar Waa galacda waagiyo, habeen kala gayoonaaya Waa gabadh xishootiyo barbaar, timaha geedeystey Waa goray haldhaagoo aroor, gedefka taagaaya Waa geedka laysukugu tagiyo, golaha waayeelka Godlan weeye maansadu, ninkay faro lagaadhoowe Afartaa galool ubax lihiyo, man iyo geed saar dheh Afar kalana gudiyeey imaqal, waydin garan siine Goortii adduunyada lasimay, gebi ahaanteedba Ee guulaheen qaybiyee, gobalba meel joojey Dhulka uduga laga soo guriyo, xabagta geed saaqa Soomaali geeskaa lafuray, galaya xeebaaye Geel iyo adhay dhaqan jireen, guunyo faro wayne Gabdhahaa lakala guursan jiray, gob iyo caadkeede Gacal iyo xigtey wada ahayd, beel is garab taale Haddii uu dareen kale galoo, daano kala gaadho Garta odayadaa qaadi jirey, guud.cadaadige Gudoonkuna heshiisa buu ahaa, loo gudboon yahaye Iyadoy gadaa wada tahoo, nabad ku goohaysa Ayuunbaa waxa soo dhex galay, geed ismjaaris jaane Waa geedi baabaw waxeer, saatan noogalaye Guul darayste eel kuu dhigaan, cidina goyneyne Markii uu sokeeyaha ku gudey, mariyey gaaleefta Markii uu gadhweyntii jaree, haadku gabasleeyey Markii uu haween gawdhiyuu, gawrac ugu jiiday Geesaaska naagaha markii, giida laga waashay Gees biciid markii uu tuntuu, gudari noo loogay Daahyada markuu goostayuu, gelen gel noo saaray Ayuun baanu ciil goohnayoo, goyney dabarkiiye Gugii hore dareenkii nagalay, gibil madoobaaney Gugii xigey gunaad baa jiraa, gawnaxyada buuray Gugii xigey faq hoosiyo gujada, ubadka gaadhsiiney Gugii xigey dhadhaab guranayoo, laamiyada goyney Gugii xigey sidii goosan lumay, gees isugu boodney Gugii xigey hubkii gaaranoo, gamaska dhiigeyney Gugii xigeyan gaadmiyo badheedh, nacabkii googoyney Gugii xigeyna geeda waaqlihii, garabka naafeyney Gugii xigeyna dooyada galoo, guluf u heenseyney Gugii xigeyna duhur soo galoo, hadalba soo gaabey Kun gabraarta kuman leylka guda, kuman kaloo gaafan Kun gaatamaya kuman ciil la goda, kuman godoodaaya Kun geylamaya kuman goob dagaal, looga kala guulmey Kuman marada gaabinahayoo, labada low geeya Iyo kuman sidii Aarka guda, godabta raacdeeye Baroon gaaban jiib galaxsan, oo gumaca tuuryeeya Shilka guuxa suugoo gingiman, guda yaraw biiten Sii kaawi geelgeel tamoo, cadawga googooya Foodhiga gariirkii ka baxay, galawgu eedaamay Garaanbiiga goobtuu ku dhaco, ciidu Gubaneyso Beebeega orod gaariyeen, cidina Gaadheynin Kaaraha gurguurtee khalqigu, baqe ka giigaayo Galabtaan intaa soo tubnee, faqashtii guudkeeney Sidii goroyo lagu soo baxay, gelelef yaaceena Gaaleef markii lala dhacee, guduri loo loogey Maydkoodu waa tuu gignaa, goonyahoo idile Waligoodba goob layska heley, guul lamay hoyane Gafuuro xun sidee Eebbahay, gabo-gabo u taagey Afartaa golool ubax leh iyo, maniyo geed saar dheh Afar kalana gudiyeey imaqal, weydin garansiine Galadeynu joogniyo ragii, guusha wacan keenay Nimankii gumaystaha diree, faqashta gaagaabshay Nimankii sariir lagu gamiyo, guri ka dheeraaday Nimankii gudoodiga habeen, guura bahaleeyey Nimankii haween lala golyiyo, gaari wacan dhaafay Sidii Aar gabood yaleh raggii, gooha damin waayey Gaashaan dhigeeniyo raggii, gacanta xoogeeyey Gaajiyo haraadiyo ragguu, gawre kari waayey Raggii gocondhadii aad ogeyd, calaha guud joogey Guud kooda raamaha raggaad, geydhe baxay moodey Sidii goray saraareed raggii, goroyo cawloobey Jananada raggii gawracee, libin ku geeraaray Gayigooda nimankow xishee, guri kale u dhoofin Cod mujaahid Eebbaa galaday, gooruu joogaba’e Gudiyeey wanaag lama gadee, guda abaal kooda Calan kaa na guud jooga, iyo guri yagleelkeena Gobanimada niman baa u go’ay gacalayaalowe Inta geesi ciida u nafbaxay, waa gun iyo baare Rabi waxaan galiimaday, inuu geeyo meel wacane Gudiyeey wanaag lama gadee, galiya taariikhda Shuhadadu gurboodkii ay dhaleen waa lagaasiraye Gabanadu haddii ay cawdaan, waa gunimo wayne Gaari weer ku raagaa ka badan, geedahaa baxaye Guno iyo xasuus bay rabaan, gu’ iyo jiilaal Gudiyeey abaal lama gadee, guda abaalkooda Naafadan gacmaha ciirsatee, cadawgu googooyay Ee wada gurguurtee, kurtood gabi dhaclaynaaya Ee wada galiilyaysan, ee goroda laalaadshay Laxaadkooda nimankaa gatee, gumaro noo siiyay Haddii geesi jiro waa iyaga, garashadaydiiye Guno iyo dhaqaalay rabaan, garasho waayeele Gudiyeey wanaag lama gadee, guda abaal kooda Haweenkii gambada xoorayee, ficil gadoodaayay Ee giraamka noosoo huree, gacanta noo saaray Ee aan galaan nagala hadhin, guri wixii yiilay Iyagoon gasiin hayn, kuwii tamaradood gaystay Gudiyeey wanaag lama gadee, guda abaalkooda Dhaawacayga nimankii guree, geeda sare waabay Eegoolka soo wada dabriyo, gaabanaw adhiga Gurgurshaaga nimankii qaliyo, gibil madiidaanka Dooyada raggii ila galee, gaade iga eegay Reer miyeey garagaaroo, bulshada iiga gooniyaha Gudiyeey wanaag lama gadee, guda abaalkooda Debaddaha raggii geylamee, gooha damin waayey Ee giniga lacagta ah baxshiyo, guufka iyo moodka Ee aan goblooleyn marnaba, gamashi waa ceeba Ninkii ganay iyo waa kala ogyahay, kii galaday Aare Gudiyeey wanaag lama gadee, guda abaalkooda Xilkaad guudka saarteen ka culus, buurihii golise Kuwii horaba waxa loo genbiyey, garabku daqiiye Idinkuna haddii aad geftaan, waa gedaan jabaye Ummaddii godbaa lagu ridoo, guudka laga aasye Goof bay dhex taalaa bulshadu, gabi ahaan teede Waxa gododka naartaa ku guray, gacan ku dhiigliiye Gacalkiyo xigaalkeer is diley, waa gaduu falaye Intuu reerkan guuluu mid kale, garabka saaraaye Gaaleysyaduu qeybiyiyo, gudintu soo feeyey Isku go’ayuun bay ahayd, gacal cun xeeshiiye Gacmaha isu saaroo bulshada, godobta daaweeye Yaaney kala gadoomine ka jira, gawdhiskiyo hiifka Gogol qudha isugu keena oo, samo ku gaalgaala Geyigeenu wada leenihiyo, gumaro hoostaale Nina yaan guhaad loola tegin, gocasho waa ceebe Shir la gooyey, waayeel gabyidhi, garangar muunaysan Gole xaadhan guurtidoo la wacay talo gorfayn teena Masuul wuxuu gabtoolaa, markuu eexa guursade’e Nin qabiil u guuraa ka dheer, guri barawaaqeede Nin jeclaysi yuu soo dhexgelin, gacalayaal beesha Qaramaadka danyar laga guree, laysu wada geeyey Gabaan dhiiqda laga soo lisee, gaban u ooyaayo Gacan dhaaf ayaan loola tegin, waw gudboonahaye Wuxuu geel ku dararaa markuu, guri san daaqaaye Godolkeedii Maandeeq la waa, gacal Islaamoowe Gorofkeedii wuu haawadaa, dhawr guyoo tegeye Ganboor iyo sunbay daajiyeen, geed xun iyo ciine Gafanaa ku naaxiyo, kud-kude kaymaha u galaye Geed sabool ayay yuururtaa, guri habaas weyne Gu’ga oy hayaan taa u eeg, Geydho wey rimiye Jiilaalka inay goojisaa, waa gedaan rabo’e Goortuu sidkeedii go’, ee gabanta loo qaado Gujo laguma maaliyo afkee, yare he gaalgaala Qalax laguma giijee ka jire, dabar danbeed gooya Geyigeenu waa hodan haddaan, gees walba udayaye Dooxyadan ganaaneynayiyo, galalkan ceegaaga Durdur aan go’ ayniyo harada, galacleh ee jiifta Mar haddii abuur lagu guroo, gacamo loo jeexo Gaajaba rugteeniyo ka dheer, guri sabooleede Majada iyo gadhweyta u qabtoo, daaba gudinteena Uguntada dadaal buu nafluhu, libin ku gaadhaaye Diinteena oon garabsanaan, guul ku helaynaaye Wax kaloo lib lagu gaadhayaa, waa gefiyo beene Gudoonsada distoorkiyo sharciga, wow guboonayahay Malaa hadalka waan guud maree, aan u galo hoose Ummaddeeni way goomaan tahay, geliya laabtiina Gaajiyo haraad baa jiree, galiya laabtiina Gurboodkeeni way daalanayiin, geliya laabtiina Gurgurshaagu waa isdinka ee, geliya laabtiina Afar geedi baa lagu hodmaa, geliya laabtiina Galxareeda baa muuqda ee, geliya laabtiina Geyi doog lebaa soo hiree, geliya laabtiina Goobaare dacalbaa hadhee, geliya laabtiina Golibaa idaha laysa ee, geliya laabtiina Gorgorbaa maroodiga cunee, geliya laabtiina Garwaan luhu marbuu ii dusee, geliya laabtiina In aan gaadh dib laysaariheyn, geliya laabtiinaTuruwaa Dib U laabo Waa heesihii jacaylka ahaa ee abwaanku allifey dhallinyaranimadiisii.Sida magaceeda ka muuqata waxa aad markaaba xasuusanaysaa in Jabuuti meeshu tahay. Turuwaa, waa xaafad ka mid ah xaafaddaha magaalada Jabuuti.Waxa uu abwaanku baadi-goobayaa gabadh la yidhaahdo “Tiriig”. Wuxuu yidhi: Toorin bay u qortoo Naftaydii toshoo Sidii tooja geela Waan tig-tignee Adigaa Tukayahow Jabuuti tagee Tiriig ma ku aragtey Turuwaa? Balanbay ku tagtee Ha taabo gashee Innaad toyotaa Tu waajiba Adigaa tukeyahow Jabuuti tagee Tiriig ma ku aragtey Turuwaa? Qalbigaa tebeyoon U taag la’ ahoo I tus buu i yidhoo I taabsii Adigaa Tukayahow Jabuuti tagee Tiriig ma ku aragtey Turuwaa? Tagoogta shanshada Laf taageertiyo Tiir bay ii ahayd I taakulisee Adigaa tukeyahow Jabuuti tagee Tiriig ma ku aragtey Turuwaa? Toogadaan qaba iyo Warkey tebiyoo Toolmoon bal u sheeg Tabtaan ahay Adigaa tukeyahow Jabuuti tagee Tiriig ma ku aragtey Turuwaa? Tolbaynu nahee I taban taboo Tunkaad sidatiyo Laftaba tuuroo Adigaa tukeyahow Jabuuti tagee Tiriig ma ku aragtey Turuwaa?Wabiin Dib U laabo Wabiin waxaanu si toos ah inooga digaysaa in aan dhibaato loo gaysan dumarka,ragguna ay dhawraan haweenka diintooda, dhaqankooda, suuban. Maansadu wax ay inoo sharraxaysaa dhibaatooyinka badanaaba soo wajaha dumarka, ee raggu masuulka ka yahay. Waxaaaney iftiimineysaa qiso dhab ah, oo ku dhacday gabadh yar oo uu nin khiyaameeyey, oo sidata wiil yar oo aan laheyn aabbo, kuna dhex rafaadsan bulshada dhexdeeda. Wuxuu yidhi: Raggu saw waraabiyo Maaha weer masuubo ah Dumarkuna wadeeciyo Hilib wadhan gadaanada Wahee! inan raggeedaw Intee inan wadeeciyo Walbahaar ku tuurteen Wadankaba ka dhooftoo Ka dhaqaaqday waa hore Wahee inan raggeedaw Intee inan wacnaydoo Bulshadu u hanweyn tahay Wicil loo xanbaarshoo Nolosheedii wiiqdeen Wahee! inan raggeedaw Intee qaafo weynaan Sida neefta weylaha Inta weyso jabiseen Geyaankeed is waayeen Wahe! inan raggeedaw Intee Weris habooneyd Oo wegen hablaa iyo Wiilal doora dhali leyd waaxyeysateen ugub Wahe! inan raggeedaw Intee geelo waafiya Sida walanqo ruugteen Wadhi raaciseenoo Wajigeeda dakharteen Wahe! inan raggeedaw Sida roob wajiine ah Jartaale aan wax liileyn Waraq baad ku hoortoo Waxtarkaa nac buu taray Idaha woodhaqbaa diley Geelana waraabaha Waaxyaa jaraa diley Dumarkana wabiiniyo Wacad qabe rifaa diley Hashu cuno waraabuhu Haadkaa ku weehdee Nin walow ogsoonow Halka aad wareentaa Waaxdaada midigiyo Wadnahaaga weeyoo Adigaa wax beelee Baqayaha walhanayiyo Waxaraha ban keer tuban Talaw yaa war kala siin Wada xilo bilaaliyo Walamsade rag weeyoo Dumar waa wedkoodee Ha ku daganin wiilooy Manka woob ka hirayiyo Abris toban wajiila ah Weyshii hadhaa ihi Waraabey u halistee Haysu dhiibin weligaa Abris toban wajiiliyo Waadaal ku naaxiyo Waraabaha ka ciyay ToonWali Dunida Kama Dhicin Dib U laabo waxaanay ka dhalatay maansadani ka dib markii dawladii kalitaliska ahayd dad iyo duunyaba dhamaysay. Dhibkii,qaxii,boobkii,fadhatadii,dilkii, kufsigii, cabudhintii, cadaadiskii, xasuuqii, bur-burkii, jabkii iyo halaaggii ummaddani soo martay ayaa waxa uu abwaanku ku muujinayaa maanso qaali ah oo la yidhaahdo ‘Wali dunida kama dhicin” Abwaanku, waxa uu sawir toos ah kaa siinayaa sidii dhaca, boobka iyo dilkaasi ahaa, waxa uu sawir cad kaa siinayaa sidii arrini ku dambaysay. Dhanka kale waxa uu abwaanku si kale inoogu sawirayaa in waxii ka dhacay gobollada waqooyi ee Soomaaliyadii hore, haddana ah Somaliland aanay ka dhicin, waxii ka dhacay dunida inteeda kale. Taariikhda laguma hayo dayuurad magaaladdii ay ka kacaysay haddana rushaysay sida ka muuqata maansada, taas iyo kuwa kale oo badan oo aan dunida ka dhicin ayaa uu si toos ah inoogu sharraxayaa abwaanku, Wuxuu yidhi: Xilliyada is doorshiyo Waayaha is daba mara Filimada la daawado Maxaa daaran maantana Fiintu danantey dhiillada Galawgaa ka sii daran Dinaahyee waraabuhu Deyn waa waraaqii Cabsi weeye duniduna Daarihii badh baa dumay Badhna way daloolaan Badhna wayba duugmeen Badhna way dayaameen Badh dabaa ku baxayoo Holoc bay ku dareen Laye dhiig dadbaa wadhan Xinjireys dalaalayn Maydbaa is daba yaal Eey baa durduurtiyo Xuuriyo digaagado Laye madax dadbaa qalan Kun la dooxaybaa jira Kuman daab-cad lala dhacay Kuman obocdu daba taal Xabaa luhu dul iyo hoos Daafaha magaalada Kaga badan dareemada Laye dhaawac baa deden Is dul buuxshey kaymaha Kuwo duubabkaa go’an Kuwo feedhahaa dumay Kuwo daamankaa jaban Dadku way qulqulayaan Dawyadaa la marayaa Jid siraad dushiisii Waayeel duqooboo Socod deyrshey waa hore Daa’imo carruureed Dumar weer-cad loo xidhay Diif iyo xannuun qaba Daaniyo miskiin keed Debedyaal la wada noqey Dushay milic ka haysaa Iyo durihi jiilaal Baraf baa ku soo degi Deyro dhaaf kalkiisii Waxa yimi diyaarado Miig guuxa laga dido Dangaraaradii sii Durba jiidh dadkoo wadhan Daami haamuhu siday Daafkiyo rasaastii Durba geeri loo baday Marku waagu daalacay Madaafiic dilaan tiyo Hawsar laysu soo dumay Ku duqeeye maatida Dabre oo ku laba celi Dabar gooya lays yidhi Laye kaare doobyaa Dhashiikaha dul iyo hoos Dooyada ka laba celi Laye jiibka dananaa Daran doori yool baadh Laye suu kula da’ ayiyo Shilke dhamacda daadshiyo Boobayaal wax duugaa Dadweynaha dhabaan dhebe Odayaal dayoobiyo Dumar foolanaayiyo Curyaan taagi dabartey Gidaarada ku dumiyeen Kuwo duub-cad qaatiyo Waxa yimi daraawiish Iyo darab nijaaseed Doox dooxe maatida Mar labaad dadkii qaxe Cagta saare dawgii Habaqluhu is daadihi Isma dayato loo badey Dirgan waa carruuri Badh dariiqa lagu dhaaf Dacaskiyo rafaadkii Wax lays daba qamaadaba Daa duun ku tage meel Aannu aadmi weli degin Filimkii dib ugu noqo Iyo daahi koowaad Ogow qaar dagaagaa Furanaaya daahyada Kuwo kale dukaan bey Wixii yiil daldalayaan Kuwo kale daqiiqbay Sidii daaniyoo kale Dacalada ku qaateen Kuwo daasad maangiyo Niidoo dalooshamay Ayey sii duduucdeen Qaar sariiro duugey Genaw duud xamaasheen Ogaw qaar dab liqeybaa Duraaxadii mas jiidada Guranaaya deeqaw Ogaw gaar duf qababaa Dusuudiyo iyo Bilaydhiyo Duruuc iyo malkhabadiyo Dahabkii haweenkiyo Maryo xool dul saaraa Duuduubtay oo raran Ogow booli daaq yaa Naf siday u doojaan Hadba dabaq koraayoo Faganaaya daaraha Kansigii daboolaa Maalkii dadweynaha Dirham iyo danaaniir Doolaar kamay tegin Ogow daabax baa tuban Kun wedkii diyaar u ah Daday soo qafaasheen Wegen laba duble u xidhe Baroon dabada loo qabay Wegan kale la soo dumay Iyagana la dooxdoox Wegen daabcad loo qaad Wegen kale dawaar mari Wegen kale dalqad dhige Dhammidood la dabar goo Dahoo Aakhiro u dege Cagaf baana duugtee Tolow duudsi may noqon Hada degelku waa herer Dooxadii hargeysaad Wali dunida kama dhicin Dawlad maatideedii Kaare dalun dulceeyiyo Madaafiic dilaantiyo Ku duqaysa maadhiin Wali dunida kama dhicin Dawlad maantideedii Hub is daadaheeyiyo Diiradliyo gamuuniyo Ku daqiiqda naabaal Wali dunida kama dhicin Dawlad maatideedii Subax mooro duugtoo Guryahoodi dumi soo Rabta iney diboodaan Wali Dunida Kama Dhicin Dawlad maatideedii Ciidankii dalkoodiyo Daraawiish ku saartoo Ku dabaasha haawey Wali dunida kama dhicin Dawlad maatideediyo Oor yaheeda dooxdoo Dhallaankeeda dubatoo Dabar goysa waayeel Wali dunida kama dhicin Diyaaraad ka caayoo Gegedey ka duuleen Dub u gaba magaalada Iyo dagaladoodii Waxaan dunida soo marin Dar Allee anaa qaban Dangaraaradii Shalay Dakhar kaa anoo qaba Ninka igu diganayee Maanta dadabta ii galay Daacad ugama jeedee Dadaw waxaad tidhaahdaan Daman waxay ku leedahay Dawliil na yara dhawr Inay dunidu yaab tahay Nina daduu gumaystiyo Saldanuu u dudayaa Anna ina darwiishaw Waxaan doonayaa nolol Nabarka i damqanayaa Hadal kuma dawoobee Saw inaan dagaalamo Maaha dawga keliyee Nin i deyrshey ii dhigey Dacwadeydu maantana Waxay daaran tahay waa Saxaraw nin ii daran Dub u eegan maayoo Daawo nama dhax taallee Maye danaba deenii Wiilashii diraan jiray Kici door labaadkii Ha sabayso doontuye Doorashiyo asxaablaw Digtoonaw rag waa kane Walee doolo loo guur Duulaan la heensee Walee dooyo tarantiyo Col weynuhu is deydayey Walee dogobyo noolee Raggii daalanaan jiray Dunqulaalka laba geli Walee geedkan dararaye Dirirada ka maarmaye Durdur aan go’ayniyo Wabi diiqalyeey iyo Dooxo lagu waraabshee Yidhi wiil ma dumi karoo Danab wuu ku soo dhici Walee daba ka naaxyada Danyaraha ka loogtaye Deyn hore ku maqanyahay Waran kayga waan dari Walee darab nijaasyada Dhiiggii dad weynaha Dardarsaday wadaamaha Dhunkaal waan durduursiin Walee fooqyo dahabiyo Ragga daaro dhiibsaday Soo dega marwaan odhan Mid durbaan u qaadiyo Mid kalay dirtaan iyo Kuwa sida direyskiyo Dibi taatiyaashiyo Kuwa toban dubleeyiyo Dalan dooliyaa iyo Daaniyaha barwaaqada Ku dabaalanaayee Dardarsaday wadaamaha Walee faqash dadkeedii Daaduumo waan odhan Afartaa daleeyaye Dacwad kale waxay tahay Walaalowga duun ka ah Dadka wada dhaqnaatii Iyo dubu hashiisiin Qaran digadhigii sii Waa faral dushayda ah Iyo waajib ila da’a Duco aniga lay faray Wahe! Aaran dubataa Isma hura damqaysoo Dab dhexdooda gelisee Daacadiyo wadanigii Hadday digigaxoodeen Rag baa daawadii xidhi Duuf laalayaaliyo Dawac iyo abeesiyo Dacay iyo nin liitiyo Dalka niman u dhalan iyo Dufan jecel basaastaa Ayaa dalawadeenii Afka duhur ku maaloo Sinjigeeda doorshee Hadduu doorkan maanta ah Nin geyaa u dadab galo Way u doonantee garo Dubu naqodka sheekada Taariikhda duugga ah Daraad iyo wixii dhacay Dacarey shilkeedii Dakharada lafoobiyo Nabarkaan damqaayoo Daman waxaan is leeyahay Ha dagaalantee kici Dul ahaan dadkeeniyo Inta diir madoobee Xoolo daaqsaney see Caro edeg dul joogtaan Farta boog u darayoo Dadka waxan ogeysiin Inu dulinku ruux yahay Dawaduna iyaga tahay Ila durugtay sheekadu Tolow aan dardaarmee Dhahar iyo dirkiisi Dhego maw daloolaan Ninka Daacada quudhsadey Nabsi buu durduurtaa Ninka maati duudsiyey Markaluu ka deyn bixi Nin durduriyey aashii Wuxu daaqayaa halis Ninka belo ku daakirey Isagey dumaanshaa Sidigtii nin daayacay Isna caydh la daaduun Ninka damac hogaanshaa Sharaf way is dooyaan Nin adduunyo daba galay Way danbaabidhaa jeer Madaxnimo nin deydayey Keligii dabely raac Dhilow yahankan dararoow Geed kaad dula saarayd Soo deg buu ku leeyahay Dooni qaranku leeyahay Jiirkii dalooshoow Inaad degi ka faalood Dinad yahay libaaxiyo Aarkii dabooliyo Dawri baad is moodee Haddii laysu duurxulo Ogow habardugaagii Dunta boqorka kugu xidhay Markay duub amaaniyo Xilka kaa dilaacshaan Duleed xaabistaadiyo Dooli aad shidaysiyo Dabataad ku noolaanMareeg Diid Dib U laabo Dhanka kale 1993-kii ayaa dawladda Maraykanku waxa ay ciidamo la odhan jiray UNISOM ay u dirtay magaalada Muqdisho, oo wakhtigaa qax iyo qalalaanse ba’ani uu ka jiray. Sida iska dhacda mar-mar badan waxa uu Maraykanku isku haystaa in uu isagu masuul cad ka yahay dhammaan waxii daafaha dunida ka dhaca. Abwaan Axmed Aw-geedi isaga oo ka xun dhibaatooyinka uu Maraykanku u gaysanaayo dawladdaha Islaamka ayaa waxa uu ka tiriyay Maanso caan ah oo la yidhaahdo “Mareeg diid” oo soo baxday 1993-kii horraantiisii. Erayada maansada ku jira marka aad dhuuxdo waxa aad ogaanaysaa sida qiimaha leh ee uu abwaanku ugu talax tagay in u ina tuso ceebaha Maraykan, iyo dhibaatooyinka uu dunida ku hayo, waxa uu sawir guud inaga siinayaa in meeshii dan ugu jirto uu tago, waayo xasuuqii loo gaystay dadkeena kama hadli jirin, maqaaxida u shidan ee UN-tuna waa mid uu isagu ku hor kaajo waxii uu doonana uu ka sameeyo. Ducada abwaanka iyo dhiirigalintiisu waa mid aynu insha’allah rajaynayno in ay mar uun dhacdo. Waxa ka mid ah haddii aan tuducyo ka mid ah, idin ka soo qaado kaydka qoraalkayga sidan Wuxuu yidhi: Rag Allaw mamaqasheen Wuxu yidhi maraykaan Muqdishiyo hargaysaan Ku maydhaamayaa xoog Anaa dunida maamulla Hadhacaan maraykaan Iyo kuwa kumaranee Isku mad-habyihiin iyo Mugdiyow gumays taha Ku qadhaabta maaraha Qaramada midoobiyo Majliskay kufaanaan Waa maqaaxi reer Yurub Iska maamushaannoo Maqal iyo shaqaala leh Waxa qaba maraykaan Butruskaad maq-maqasheen Waa yuhuud midawdiyo Mulxid gaalo wadatoo Muslinkay kudagayaan Iyo carabtan moodka ah Saw maraykan ma ahayn Fiidnaam ninkii miray Saw maraykan ma ahayn Falastiin ninkii madhay Saw maraykan ma ahayn Qudus kii mahoobiyay Saw maraykan ma ahayn Mulxidkii Ciraaq jaray Saw maraykan ma ahayn Ka Suuweeto maaruqay Saw maraykan ma ahayn Gaara naada kii miray Saw maraykan ma ahayn Baanama maskii galay Saw maraykan ma ahayn Ninka jaray mareegaha Saw maraykan ma ahayn Ka dhufsaday misciriraha In maraykan xeerkiyo Xuquuqaha dadka u simmo Ninka moodayaw taa Maad jirin gu’ iyo laba Xagguu jiray maraykaan Markii shicibka mootiyo Madfac lagala daallee Maalootigii jiray Xagguu jiray maraykaan Markii shicibka miigiyo Miiraajku toocshee Maydku sheeda tuulaa Xagguu jiray maraykaan Markii mooradeenii La mar-mariyay kaaraha Xagguu jiray maraykaan Markii Boqol magayda ah Makastiyo carruuraha Laga dhigay shuf iyo murug In galbeed miciiniyo Mukhlis iyo tol nooyahay Ninka moodayow taa Bal miliilic Falastiin Samra iyo Shatiilaba Malyuun baa lagawracay Makas iyo carruuro leh In galbeed miciiniyo Dhibaad noogu maqanyahay Ninka moodayaw taa Malkadii Baqdaadiyo Beerihii Furaad maye Miigbaa dhex qaadoo Waa danbas madaw iyo Xinjir aan milmaynine In galbeed miciiniyo Diiqo noogu maqanyahay Ninka moodayaw taa Kashmiir mahadhadeedaa Naftu muusanawdaa Waa la mooraduugoo Boqolaal magaydaa Jeel lagu maxbuusoo Manfacoodu ude yahay In galbeed miciiniyo Mukhlisiyo tolnooyahay Ninka moodayaw taa Boosniya ma’moog tahay Inta gaalo magacliyo Murtad baa ku xayatoo Sidii midhihii doocaan Dharaar baa lamuudsaday Malkadiyo rugtoodii Waa laga midhtirayaa Haddaan mawlahay bixin Emnastiidi murankiyo Maxaabiis udoodadi Xageebay kumaqan tahay Ragbaa mooyo qooqaal Musku dhuumanaayoo Raba inay miskeedaan Mar labaad hasheenee Taa miyaan kayeelnaa Baarliin marbay ahayd Madal laygu iibshaye Mawdbaan kaxigayaa Mar labaad in laydago Magli lay afeeyaa Maqlayaa rigtiisoo Midaa layla sugayaa Seexo miyaan ka yeelaa Isticmaarkii mamayee Muuf nidhi sitiinkii Isa soo mal-mala oo Kaanbeeganbaa miis Maantana dultaaloo Musku wuu sanqadhayaa Wuxuu maagan yahay waa Ciiddeenan mudanka ah Innuu naga mahoobiyo Wuxuu maagan yahay waa Dahabka iyo maadhkiyo Macdanteenan hodan ka ah Inuu xeel kumaamulo Ninku waa macaash doon Wuxuu maaganyahay waa Inuu reer majuusiyo Yuhuud noo muquunshoo Uu midiidin naga dhigo Muslinoow laguu sheeg Allahayoow kamarag noqo Geerida murwaadka leh, Muslim kama cabsooddee Ninkii mawd hayoow keen Cag weynow maroodiga Mas laayaanabaa dila wiyil maara diidaba Gantaal baa umeel yaal Geri waayo meeraba Adammaa maruun hela Maajeenta qarafiyo Midhuunbaa kutuuraa Unisom horaysiyo Unisom danbaysiyo Waligoodba magaciyo Haayad aan midhqaban iyo Hay malamaleeyaan Waa midab shabeeleyn Wiligoodba maamiyo Hadba macatab xaradhliyo Haayad aan midh qabiniyo Shinbir- malab sideedii Hayska kay dhexmeeraan Waa sahan imirayiyo Masaawaad ujeeda leh Waligoodba qiilmadhan Qosol meelna aan jirin Foolka hayga muujeen Waa gabarey maanyiyo Dayo maadaheedii:Garoy Garo Daa Dib U laabo Wuxuu yidhi: GAROY GARO DAA Gorooy garo daa oo garaan daa oo garbo cas daa adna giirooy Ka gu weynide guuxa hoosiyo Gardarada daa Talo gumaro ah Aan godlee qabo Aan gahaydhiyo Geydhaheeniyo Manka guranee Hayna digo gubin Gob colowdaa Way gumawdaa Yaanay giiriyo Gees biciidliyo Goolka naaxiyo Qaanku goosmine Haday gocoriyo Ina garashuun Dareen kala galo U gar qaadoo Gadh cadaa iyo Guurtida u waca Geydha dirirtiyo Gufaacada hore Ugeybkaa go, a Yeynaan gaabane Galeydh yeyntiyo Guubaabada dhima Gurta bidixeey Gacantaa midig Waad gudboontiin Ha garaaxine Is gargaarsada Oo is garabsadaSumalow darbane Dib U laabo Wuxuu yidhi: Dadku waa hayaan Roobaa kada`ay Daba taxantiyoo Sahan doodiyiyo Horseed baa la direy Cir daroorey iyo Daruuraha onkodey Doog dhabashadii In la duulo saw Damac muu ahaan Dalan doolayoo Waan daaley iyo Halanoo degiyo Awraha dabaal Doorkan waa la nacay Waxa jira dugaag Weer daaliniyo Aar iyo dadqaad Derimaha ka badan Dib u feejignow Xil daruuran baa Dumadaada sudhan Nayl daba yar iyo Deylooy laxdii Yey kaa dib jirin Sumalow darbane Naylaha duduuc Oo dooxo gee Oo damal hadh geli Oo dacawadii Dabada hunbul layd Yey kaa daldalan Yey kula dul MarinAgabare Dib U laabo Wuxuu yidhi: February 3rd, 2010admin Agabare, waa mid ka mid ah maansooyinka Abwaan, Axmed Aw Geeddi (Dheeraad), waxaanay ka mid tahay saddex Maanso oo hal-abuurrada: Hadraawi, Axmed Aw Geeddi iyo Xasan Ganey ku soo ban-dhigeen Huteelka Imperial ee magaalada Hargeysa, 29/01/2010. Inkasta oo Maansadan Agabare ay soo baxday wakhti hore, waxa bandhiggeedu ammin tan daarran yahay; iyada oo wacyiga maanta taagan saamayn ku leh. Iyada ayaa Maansadu is macnaynaysa oo ku tiigaali mayno’e, waxay ku ibo-furatay sidan: Waa goob qurxoon Waa gole la bilay Waa guri dugsoon Waa garangar wacan Waa geed malko ah Waa shuqul gobeed Gaaridu mashxarad Googeysayoo Geereershihiyo Guun iyo abwaan Laga wacay gabyaa Anna garashaday Aan soo godlee Rag alloow gudoon Libta aan wax garad Waayeel goosan karin Gaban sooma helo Gurboodow yaryare Wey gabaabsidaye Goormaa kacdeen Goormuu Nin ragi Nacas garabsan jiray Goormuu hacoo Geela raaci jiray Goormuu kasgaab Garta qaadi jiray Goormuu bakhayl Gool loogi jiray Goormuu fuluhu Geli jiray rogaal Goormaa baroor Baqal gaadhi jiray Goormay gabniyo Madi geel sinmeen Goormaa halyeey Gocor maagi jiray Goormuu atoor Aar guhaadin jiray Goormay dhalool Galool mudhay ahayd Goblantooy adduun Waa galinba cayn Gedaan loo filayn Ayey gudo wadhaa Afartaa gutaye Gibin kalena waa Gabbal kaa tagaa Ma gadaal noqdoo Lama Gaadho shalay Wedka lama gafiyo Godka aakhiroo Wakhtigaa is gura Sadaan guullahay Gasiin kaaga dhigin Lama goosan karo Wiyil lama ganiyo Gool wadata qaan Aar looma galo God madaw ku jira Lama goosto ciin Lama gado abaal Lama gooyo wacad Lama geysto eel Gar allay taqaan Laba kuu gudboon Agabare ha gelin Afartaa guntaye gees kale jaleec Intaad guunyo kale Galab raaci leyd Geel dhaqaa ka roon Intaad gaaf nin kale U gangaami leyd Guursaa ka roon Golli bey idaha Gol u wada hoydaan Waa midaan i gelin Goosan lumay habeen Weer wuu gafaa Waa midaan igelin Dayax gaafan baa Gudcur dhaamayaa Waa midaan i gelin Gu’ hagaagay iyo Jiilaal gudboon Waa midaan i gelin Gaari dumara bey Goonbaar sinmeen Waa midaan i gelin Gari laba Nin bay Guusha u sintaa Waa midaan i gelin Nabad lagu gamiyo Colaad baa gudboon Waa midaan i gelin Gool sagaal jirana Guduraa ka roon Waa midaan i gelin Hoobaan gobeed Gomoshaa ka roon Waa midaan i gelin Geel toosiyaa Jiir u goodiyaa Waa midaan i gelin Gal dad liqa nin ogi Sahal buu u geli Waa midaan i gelin Gurdan iyo col buu Galaw aamusaa Waa midaan i gelin Gaadeeraday Gabadano dishaa Waa midaan i galin Waxse gawsha iyo Nimaan guunyo dhaqan Ganuun buu dhamaa Waa mid aan i gelin Gocoshada ku simay Geedkay tiqiin Ayaan loo golayn Ged kaley u taal genaw xajadii Guu-guulihii Xalay ciyay galbeed Ma gafbuu tirsaday Haddaan laba is gaya Calaf ba isu gelin Sidee loo galaa Galadiyo samaa Guulaa baxshee Gucle laguma helo Godobeey ninkaa Waad garaneysaa Gardarooy miyaad Garab iga heshaa Waa duni gablool Gebagabo ku dhow Guurti murantayoo Is guhaadisoo Kala guratayoo Dumarku u garniqi Gadhweynow midhkaa Goosh kanaan arkee Way ganacjabtee Taariikhda gali Maska good ahiyo Guuleed markii Tolow loo garnaqay Kee guusha helay Mise waa gayaxan Gees iyo gafuur Gar jiileed tashigu Nin ka guday sharciga Gawracay wanaag Garawshiiyo neceb Naca gaamuriyo Gadaafada waqii Gaar kuma ahee Waa garab ku daaq Sow tuu genow Beri geedna yidhi Gudinyahay badhkay Yaad garabsatee Imaad goyn karteen Shan kastoo la gado Ama cadow gumudo Ma gadmee xaquye Wuu gadaal baxaa Gardiid waxan ku idhi Geel doonabaa Geeso dhiiglihiyo Gebogebo dhashee Gacalow ka joog Waxaan ganac lahayn Afartaa gudbaye Galka hoos u raac Goloof iyo hal gudhan Gaawaha u culo Waa hal aanan gayin Ruux kula gudboon Gaadiid u noqo Waa halaanan geyin Waxaan kuu gadnayn Guudkuun u rido Waa halaanan geyin Samo waan gartaa U gargaar xumaha Waa halaanan geyin Marka goojo boob Qaalmaha gu rimi Geel jire u xulo Ina goray cilaan Teenana gadhloow Bal maxaa gulaan Garaabiido qaba Haydalas guracan Baqal gawso wayn Geela uga dara Maxaa inan golyeed Geesiga dabree Garba duub u xidha Nacaskana go iyo Garaadada u tola Waxba yaan go’dooy Af gobaadsanine Gaasiraay ma dhalan Wali muu gadhayn Wiil kii gugeer Garka kugu xidhee Guur uga fadhiday Afartaa guntaye gaalgaal mid kale Nolol aan gudneyn Godka aakhiriyo Geeraa ka roon Gabno aan waqeed Gaawe laga dhameyn Giiraa ka roon Badda guuxda een Galaan laga dareyn Goof baa ka roon Gundhig iyo tilmaan Wuxuu gabaygu yidhi Gini lacag ahiyo Guuf iyo qadhaab Ninka goobayee Gowsuhu dirteen Muu gudan xilkii Loo garabsadee Waxa goortan guda Waan garanayaa Waa ragiyo geel Iyo gool libaax Iyo gaade faras Iyo gabadh an curan Afartaa guntaye Wuxuu yahay go’aan Nin gurrani waqii Ha gadaal ceshee Waa iga go’aan Markaan gogol wanaag Geeddiga ku furo Inaan beesha guban Gacan siiyo oon Gaadiid u diro Waxaan goobayaa guri Lagu nastiyo gole loo dhanyiyo gobeey caadadaa Gurgurshaaga iyo Waxaan gibil ma diid Caynka ugu gubey Ha gayoota oo Guri rays leh iyo Guryo samo ku furo Waxaan gorofka iyo Gaawaha u culay Guga inaan ku shubo Dhay iyo galxood Gobaad laga lisee Soo godol casuur Guullow allaw Na gargaar adaa Samo garanayee Guulow allaw Guri roon na gee Oo geel ku dhalay Oo gacal fadhiyo Oo gudini taal. Gaboobow tixihu Waa gooli baadh Adaa garanayee Sii gaasa bixi Gaadhsii ragiiBakeyle Dib U laabo Wuxuu yidhi:Bakeyle Dib U laabo Wuxuu yidhi:Bakeyle Dib U laabo Wuxuu yidhi:Soo bandhige: Fu,aad Sh. (Bahda Mareegta Farshaxan) Xigasho: Mareegta Hoyga Suugaanta Copyright ©2003- Mareegta Raadraac ee Farshaxan. All Rights Reserved. |
