Mareegta Far-Shaxan
|
|
Mareegta Far-Shaxan |
|
|
| ha moogaan mareegta u ban baxday raadraaca taariikhda, dhaqanka iyo hidaha |
| Tifatirayaasha Farshaxan way ka madax banaan yihiin fikradaha gaarka ah ee ku sugan halkan |
|
|
Hordhac
Qalinkii - Fu,aad Sh. Taariikh Suugaaneedkii Abwaanka da'da yar ee c/raxmaan xuseen cumar (tallaabo) August 8, 2009 c/raxmaan xuseen cumar (tallaabo) C/raxmaan Xuseen Cumar (tallaabo) waa hal-abuur da’ayar oo Reer Somaliland ah,cabdiraxmaan tallaabo waxaa uu ku dhashay deegaanka gobolka saaxil sanadku markuu ahaa 1983 waxaa uu waxbarashadiisa hoose /dhexe ku qaatay magaalada Berbera. (Tallaabo) waxa uu kamid yahay dadka uu ilahaay hibada hido raaca usiiyey badaha maansooyinka iyo gabayo faraa badan leh Waxana uu inta badan dareenkiisa ku cabiraa. Oo uu kahadlaa xaaladaha kala duwan ee dalku iyo dadkuba maraayo ilaa hada waxa uu ka hadlay. Dhaqanka. Hiddaha. Jacaylka, iyo xaalad kasta oo markaa taagan. Murtidiisu waxay in ta badan taabataa xaalaha kala duwen ee bulshada reer s/land ku sugan yihiindadweyne(SCW) Dib U laabo DADWAYNE Maansadani waxay la hadlaysaa sadexda xusbi ee ka jira jamhuuriayda Somaliland, waxaana ay dhamaantood leedahay xilka iska saara danta qaranka. Waxaan ahay dadwaynii dalka eebe siiyee Ugu deeqay sharafkee Dibindaabyo jaan iyo ka ilaasha dulinkee Digrigii ilaahiyo towxiidka ugu dara Dalkan waxaan la soo maray Dakhariyo xanuun iyo Daal iyo dhibaatiyo Dihaal xanuun badan Ma ogoli danaystiyo Ninuu damacu qaadoo Keligii danaystoo Kursi doona keligii Inkastaynu durugnoo Dimucraadi jaan iyo Diin gaallo raacnoo Debed aynu cararnoo U dareenay meel baas Horta daahirow maqal Hadaad mooday daartani Inay tahay dumaal uu Duqii kaaga tegay oo Ama derejo gaaroo Dadka kale lahaynbaad Keligaa ku dedentahay Damacaasi waa been Anagaa ku diranoo Kugu deeqnay sowdkoo Dadkaa kaa jeclaano Na daadihi ku nidhi oo Dalka mesha ugu mudan Kula doonay keligaa Anagaa si daacad ah Dadka kaaga xulanoo Dacalkaaga nimankii Ka dabaldegaaye Doonaayay Maddaxnimo Dib u liqa cadhuuftoo Iska daaya nidhi oo Duhur kaaga qaadnee Duuduub ku qaado Hadalkani ha kuu dego Waxaan kuugu doortee Dunta iyo xariirtiyo Shaalkiyo duraaxado Ugu wadhay dushaadee Derejada hoogaanimo kuula Doontay waxay tahay dalka haruumarkiisiyo Ictiraaf la dooniyo Inaad dunida gaadhee Ma moodayn danaystiyo Dib usocod inad tahay Waxaan kaaga digayaa Marna iga dardaaran ah Xiligaan ku doortiyo Way durugtay Maalimii dadk kuugu darayoo Waxaan kuugu sii daray Ha ka dayrin shacabkii Codka kuugu deeqee Dorashada xalaalee Afartaa dareen iyo waa farrin da,waynoo shacbigiyo Dadwaynuhu dira nagu yidhaahdeen Qolyaa debeda jooge Weli dowladnimadiyo U duddaaya derejada dalka lagu hogaanshee Codka noogu deeqiyo ma na dooranaysaan nagu daalinaayow Waxa naga dardaaran ah waxa xamar duleeyee dakharada xanuunka leh ilaa boqolka dayrood dusheeda uga muuqdaan daarihii qurxoonaa degelada u moodaaa waxa laysu dilayaa danno gaara weeye bal daymoodaa deriskii dulligiyo dhibaatada kursi doonka leeyahay waxa naga dardaaran dalka nabar sokeeyiyo dulin iyo colaad iyo dakhar iyo wax yeeliyo dulli ha u kaxaynoo doon doonka maddaxnmo dadka yaanay kala didin inagaa dayownoo dalal reer galeed iyo gaalada ku dayanoo kuwii nabigaa dayrshiyo daba cararnay gaaloo diintoodaa raacnoo dimucradii jaan iyo distoor lay xariiqiyo meel darran u jeestoo daayinkii ilaah iyo nabigeenii doornaa dadkii ay necenee dilla nagu yidhaahdeen u durbaaan tumayno dariiqoodi raacnnee allahayow na daawee allahow dariiqiyo dowgii saxa ahaa nagu dooji eebow iyadoo la daaloo dullin iyo aabaar iyo diif iyo xanuun iyo dibindaabyo lagu jiro dadka oo harraad iyo dulli iyo xanuun qabaa adigaa nadoojoo cirkoo dayroo dhaafo lagu arag daruurtii adigaa daqiiqadu fadad wada da,ayiyo daruur wada hillaacliyo dihin nooga yeeloo dhulka daaqsin wacan iyo deeggaan ka yeelloo adigaa daraadaa dadka oo hurdada le,day sheikh u daakiraa oo intaad adigu doontiyo dadka kii hanuunsani loo wada ducaystaa adigaa dugaagiyo kuwa duurka joogiyo deeradiyo cowshiyo xayawaanka dunidee dukhsigu ugu liitaa deeqsinida eebiyo nimcaday dersaanoo kulli way digranayaan deeqaa ilaahbaa lagu doogasadaa oo kufri laguma daallo deeq bixiyayaal iyo dawo laguma sheegee allaahyow na daawee allaahayow dalkaygiyo diintayda wacan baan cidii doorin karrinoo waxaan ahay difaacii duurka u dhex jooge dadkan maddax jacaylkiyo kursi doonku wada galay kulli wada durbaan iyo daasadaa u tumayee doorashada u wada tuban allahow mid daacada diintiyo shareecada dalka nagu xukumayoo ayaadka doorka ah ku ducaysanaayo sunnii nebiga doortoo diintaada eebbow nagu daafacyoo daba dhilif ahaynoo laba dowladood iyo derisnimo wannaag iyo danno gaar mooye xamar nagu darayn oo diin iyo aqoonloo duco waalid qaba oo danyartiyo agoomaaa wada daadeheyoo na daryeellaa eebbow adaa qaniye noo doo Dawlad Xumo Dib U laabo Dowlad xumo Gabaygan waxa abwaanku ka tiriyey markii la xidhay gudoomiye ku xigeenkii hore ee komishanka qaran laguna eedeeyey in uu yahay shabab Indhawayto deelkii Murtida waanigaan Dayine Dibnaha iyo waa taan Ka jaray duudka feedhah e Iminkana waxabaa igu diree Dood ma tiriyeen Taariikhda duuga ah hadaan dib uga faaloodo dalkani maanlintii uu xornimo doora lag taagay somaali doonkii markii diif xun laga qaaday dowladii siyaad maalintay dunida naafaysay maalintay nin doorkiii dalkiyo danabadii laysay dunbukhyada gumaysigu markuu nagu daqiiqaayay daaraha hargaysiyo burciyo degeladii saaxil madfac dananayiyo maalintii kaare lagu duugay wixii danab la laayiyo guryaa dumarkii ooyay diilalyada nahaysiyo wixii daal inagu raagay diiftiyo xanuunkii waxaan debed la meeraayyay duugiyo xumaantiyo wixii la igu daandaanshay anigaaan dunuub gelin wixii la i duqaynaayay dulmiga iyo hoog iyo wixii mowle iga doojay dib u noqoshadaydii xornimo daabka la ii siiyay markii dowladnimo aan heliyo callankan doorkayga markii aan u doortee cigaal sowdka ugu deeqay waatii uu distoorkiyo sharciga degay inoo yaal waatuu kala danbayn iyo wanaag keenay degelkeena duni laguma waaroo nafluu waa ka degaaye rasuulkii la soo diray iyo ka tege nabigii dooraa e wuuxuu daadeheeyoba markii daayin iga qaaday dimuraadigu dhigay markaan dunida gaadhsiiyay doorashada markii aan qabsaday doorna ka cayaaray axmed daadeheeyiyo markaan faysal diran waayay sacabkii dadwaynaa markaan daaahir ula leexday alaylehe daluunbuu ku riday dowladnimadii e dalka nimaan lahaynbaan malaa derejo gaadhsiiyay afartii siyaad duufsadaa daahirna u yimi e iminkaa nin doorkii xabsiga loogu diraaye digtoorka iyo ninkii maxamed baan cidi u doodayne isagaan denbiba gelin sharcina dacal ka dhaafaynin xirsi cali waxaa loo dabrday waa degteernimo denbi baadhayaal baa ilaah iigu dow galay e nin danaysanaayaan kursiga daadehee idhi e walee daahirow uumiyii maanta kaa durugye damqashadu haduu bay dadkii wada dareemeene dureemada ka badan uumiyaa dibinta ruugaaye wallee doorashaan lagugu siin derajadaad gaadhay aarkii daboole iyo sidii diib lagaa cararye waxa gannacsigi loo dabrday duul shisheeye ahe dalka waxay ka doortaan iyagu kiishad doolar ahe alla dumi mallaa waxa qabyo ah daartii qaahir waxba gabaygu yuu ila durkine waxaan kuu soo duubay dowlada xumo allahayow miyaan laga dawoobaynin allahayow adaa deeq baxshoo daayinoo jira e adigaa dunida uumay oo daadshay aradkaase adigaa dariiqyada ka furay daloga buuraa e dayaxana adaa nooga dhigay daalac iyo nuur e adigaa dugaaguna xataa kuu digriyaaye allow dowladii waa xuntee adigu noo doorGeesiga dalkayga Dib U laabo Maansadani waxay soo baxday markii golaha guurtidu u kordhisay madaxweyne riyaale 6 bilood waxaana ay shacabka faraysa in dalka la badbaadiyo.. GEESIG DALKAYGA Waxay ka dhalatay Moddo kordhinta Lagu gefay shuruudii dalka Meel lagaga dhacay Waana tan akhris wacan Geesigii dalkaygow Golayaashaa qarankow Gurtidiyo wax garadkow Gaariyiyo hadrawaaow Gidigiin abwaanow Gobolada dadwayna gacalee Ku noolow inta samaha goobtay Garashiyo aqoontay Inta dawlad guunee Geyigaba ka caaniyo Gogol nabad doontaay Garaad iyo suldaanow Inta geedi socodkee meel lagu Gam aayiyo gurri raaxo doontaay Gabanada dalkaygiyo Gabdhahayg quruxdiyo Garaadkiyo aqoontaba guulahay ku Deeqow Inta ila garaadee gobanimda jecelay Inta goob xileed iyo gunnimda ka carartaay inta calanka gobonimo ka ilaasha guudkee gudcur iyo habeen dumay gaadhka u ahaadow inta reer galbeed iyo geyi kale ku maqanee ictiraaf geyigu helo gurmaka ugu maqanee guntiga u adkaystow inta geesiyaal iyo gadhwadeen ku wacanee geyiga ila joogow inta nabar guracanee dalka lagu gujeyiyo ka gilgilata xumahow inta gaari dumaree guryo raaxo joogtaay arintii guracantoo dowladaan gu,yaal badan gabadano cidla ah iyo geeriyaad u seexdee inaanka goolka dhaliyiyo guul iyo barwaaqiyo inaan gaadho meel sare guudka fidhaayee doorashada intaan galay madaxwayne gaariyo gadhwadeen ku doorteee somaali gebigeed kaga tegay garoon madhan iminkay gumowdoo gebibay ka lulataa odayaal gabobiyo gadhcadaa khariban oo goli lagu magcaaboo godka aakhireed iyo guulahay ka baqanoo gar ilahay baranoo guulihii dadkani waday giniyaad ka jecelbaa garbo dheer ka tuuroo waxaan galabta joogaa meel laga gubtaa oo guushii dadkani waday gacmo madhan la joogoo ruuxii garaadlihii gocoshiyo xanuun iyo gefka dhacay la liitoo arrinti gorfayn iyo afka way ka gudubtoo waxay galabta joogtaa gurmad iyo xigaal iyo meelay garabka saartee inta garasho dheer iyo intaan gaar usheegow ka garnaqa amuurahanHodan Dib U laabo
HODAN
Waa gabay la yidhahdo HODAN oo jacayl ah
Indhawayd higaadi murtida hab uma luuqayne
Ma higadin maansooyinkiyo hooriskii gabay e
Marba se aniga oo ka hakaduu hilin ka muuqdaa e
Caawana huqdii caashaqbaa lay hadoodilay
Bal aan Huriyo hawraarta gabay waan ka haayiray
Hadii aan midi aan calmaday hadalku ku faaleeyo
Waa inan horseed u ah hablaa haatan soo kacay
Waa inan hanaanka iyo qurux hadiyad loo siiyay
Waa inan halbowlaa gashiyo halista qaarkeeda
Waa inan ninkii halacsadaa aanu ka hadhayn e
Waa inan hidahaa iyo xishhood haysataan dhigine
Waa inan hogaankii sharciga lagu hagaayaa e
Waa inan xijaab haysatiyo hadiyad diined e
Waa inan horwayn laga baxshiyo halowle maadhiin e
Afartaa hilow doog leh iyo midhiyo hoobaan dheh
Indhawayto heelkii golaa waan ka haayiray e
Caawaba halkii aan ku waday halal ma dhaafsiiyay
Inantii hiyigu raacay iyo hodan ma gaadhsiiyay
Intaan gabay higadaa uga dayay heesna ma u qaday
Haasaawe guud iyo kalgacal ma ugu heenseeyay
Hadal lama bilaabee sidii hoobal ma u yeedhshay
hodanay waxay tahay miday hibadu saarnayd
waxa tahay halbowliyo middi gaadhay halistii e
waxa tahay habloo idil midaan ugu horaysiiyay
waxa tahay hilaac iyo sidii hogosha roobaade
waxa tahay hir doogliyo dhulkoo helay mahiigaan e
Afartaa hilow doog leh iyo midhiyo hoobaan dheh
Indhawayto heelkii golaa waan ka haayiray e
Caawaba halkii aa ku waday halal ma dhaafsiiyay
Inantii hiyigu raacay iyo hodan ma gaadhsiiyay
Intaan gabay higadaa uga dayay heesna ma u qaday
Haasaawe guud iyo kalgacal ma ugu heenseeyay
Hadal lama bilaabee sidii hoobal ma u yeedhshay
hadalkaga goortaan maqlaan soo hanbaabiray e
hablihii hargaysiyo burciyo harasankii joogay
heelkii berbera iyo ilaa herer kuwii joogy
howd iyo saraar iyo ilaa harada laasciidle
hoosada xagleed iyo ilaa howdka dhiniciisa
hasaawahoodiyo ka kacay hadaladoodi e
hiyigaygu wuxuu saran yahay heegaadan rabay e
heemaalka iyo muuqa iyo haybadu jooga
siduu eebahay kuu halqiyo himilo jaahaaga
hanaankaaga iyo laafyihiyo hadowga laacayaa
hilbeheeda qaar iyo xubnaa hadiyad loo siiya
waa middaan habla kale lahayn hodantan moyaane
Afartaa hilow doog leh iyo midhiyo hoobaan dheh
Indhawayto heelkii golaa waan ka haayiray e
Caawaba halkii aa ku waday halal ma dhaafsiiyay
Inantii hiyigu raacay iyo hodan ma gaadhsiiyay
Intaan gabay higadaa uga dayay heesna ma u qaday
Haasaawe guud iyo kalgacal ma ugu heenseeyay
Hadal lama bilaabee sidii hoobal ma u yeedhshay
Waa waxaan hurdada awaadaa ugu hadraayaa e
Heesahaa macaan waa waxaan ugu hadaaqaa e
Adigaa hantiyay oo naftani Haatan waa halise
Hiirtaanyadii caashaqbaa lay hadoodilay e
Malahay hogii aakhiiruu ii horkacayaye
Cilmi iyo halkuu qays dhigo ii hogaansaday e
Halis weeye waayadan naftii waana la hubaay e
Afartaa hilow doog leh iyo midhiyo hoobaan dheh
Indhawayto heelkii golaa waan ka haayiray e
Caawaba halkii aa ku waday halal ma dhaafsiiyay
Inantii hiyigu raacay iyo hodan ma gaadhsiiyay
Intaan gabay higadaa uga dayay heesna ma u qaday
Haasaawe guud iyo kalgacal ma ugu heenseeyay
Hadal lama bilaabee sidii hoobal ma u yeedhshay
Hadiise aan habeye intaa hore u waydaarto
Nin hayaan kumaqan cabdow gacan u haadshee e
Nin waraabe heeryaynayaan hoy ka leeyahay e
Ninka horuumarki diidan baan ka hortegayaa e
Nin dalkiis haaramayaan hayso leeyahay
Nin tahriib u heeryaysanban soo hadh leeyahay e
Hanbalyo iyo salaanbaan nin tegay hoo ku leeyahay
Gaabis
Dib U laabo
GAABIS Gabaygan waxa uu ka hadlayaa dhibaatada muslimiinta meel walba ku haysata iyo sida tafaraaqu ugu dhacay ee gaaladu ugu wiirsanayso ee qaarba meel lagu laynaayo kuwii kale daawanayaan. murti gabay ilaahbaa baxshiyo midhiyo geeraar e Ginni laguma soo iibsan karo geedka maansada e Macdaar guradu buuxdiyo dukaan gadda la soo waa e Dugsi lagu gorfeeyiyo tacliin looma soo galo dadka uma gudboonee ragba guulahay baray e Haadraawi iyo gaariyaa cidi ku gaadhayn e anna waxaan go,aanshaa markii gole la joogee e Bal guddooma caawana miday garatay laabtaydu aduunyadan gabaabsiday fusuqan golaha loo xaadhay Aduunyadan guryii wada samaa gelin gel loo laabay Aduunyadan gumowdee nin xumi gaar u maamulayo Aduunyadan guracantee samii laga gol roonaaday Aduunyadatan goor iyo ayaan gebedhaclaysaysaa Aduunayadatan geesigii hadhee gocor ku faanaayo Aduunyadan waxay godol qabtiyo gaaxdi laga laastay Aduunyadan kufrigu goobayee gaadhka ka ahaaday Aduunyadan galbeed laga xukumo gebi aahaanteedaa Aduunyadan garbaa laga raree lala guclaynaayo Aduunyadan guddoonki sharciga dib uga guul maysaa Aduunyadan gadh qaad looga dhigay gaalidiyo tuuga Aduunayadan dariiqyada guracan looga gacan haadshay Aduunyadan garbada fuushan iyo gebiga ciiraaya Inkastan geday maanta tahay gabay ku koobaynin Waxaan madasha gaadhsiinayaa garashadaydii e afartaa murtuda gaamurtiyo googol dhigeedii dheh gugoo hooray dayr galalacliyo galiyo duufaan dheh xareedoo gelgelimaa gashiyo geedo iyo doog dheh dhirtoo ubuxuu guudkii marshiyo geed samaalah dheh godkii shaacir iyo maansadii gaariyoo kale dheh golihii barbaartiyo abwaan garashadiisii dheh geeraaradii timacadiyo ganay sidiisii dheh murti aniga ii gaara iyo gaaxdi maansada dheh faysallow gunimo waa waxaa laysu gelayaa e Waa waxa islaam gaabiyee gaal u soo kacay e Waa waxa maraykaan u galay gudihii kaabuul e Waa wax ciraaq loo gambiyay goboladediiye Guryihii baqdaaad waa waxaad gegi u moodaaye Waa waxa gantaalaa culculus loogu gubaayae Waa waxa sadaam uga goblamay gabanadiisii e isna waa waxay ugu galeen goddan habaas wayne Waa waxay godkii uu ku jiray ugu garaaceene Geerida xun waa waxa hadh galay geedka loo sudhay e Garka waa waxay igu xidheen goor ay ciid tahaye Waa waxay yuhuudu u gashaa gaydhka falastiin e Duq gaboobay iyo waa waxay gaban u laayaan e Geyiigoo dhan waa waxa kufirigu uga gabraartaa e Wax waxay gar eexoo u naqdaa guurtii dhaarsani e Waa waxa gumaysiga ku riday goboladeeni e Gabre waa wuxuu uga tashaa goonyihii xamare Waa waxay badaa ugu gurmeen gabanadeenii e Geyaankaygii wa waxay cidlada ugu go,doomeene Marba goosan waa waxa dugaag ugu gadoodaa e Waa waxaa geyaankiyo habli geediga u rary e waa waxay tahiibta u galeen geerida u dhow gaal iyo sekhraanbaa ka hela geeriyaad dhexe gocor iyo nin liitaa ka fura shayga guudka ahe geeri go,an cidlabuu hablii garac ku maalaa e oo ay Golaladeenii ilmadu go.bada haysaa e Waa waxa gufaacu u dhashiyo gabaygii dheeraaye e Giiryaale waa waxa nin ogi uga gabyaayae Waa waxay golaa uga fureen goonyihii yurube Guulaamo waa waxa cashuur noogu soo ganay e afartaa murtuda gaamurtiyo googol dhigeedii dheh gugoo hooray dayr galalacliyo gal iyo duufaan dheh xareedoo gelgelimaa gashiyo geedo iyo doog dheh dhirtoo ubuxu guudkii marshiyo geed samaalaha dheh godkii shaacir iyo maansadii gaariyoo kale dheh golihii barbaartiyo abwaan garashadiisii dheh geeraaradii timacadiyo ganay sidiisii dheh murti aniga ii gaara iyo gaaxdi maansada dheh waxba yaanay guubaabdiyo gabaygu dheeraan e waxba yaanan guulaamo culus idin gadhsaarayn e waxba yaan gunimo faysalow gar uga maansoon e waxba yaan aduunyadan guracan gabay ku faalayn e ninkasta ha gowl gowliye guuli waa nabade waa geed hadhwaynuu nafluhu wada gabaadshaa e waa googol qurxoon aad si dhaba ugu gam,aysaa e waa nolosha guusheeda iyo geed la beegsado e gu, barwaaqo adigoo ku jiraa geedo iyo doogle giddigoodba xoolaa adoo guule kugu deeqay oo ubax guduudliyo adoo gaxadh ku foofsiiyay geell dhalay adoo maalaliyo goray karuurkeeda gaajada ma gooyaan hadaan nabadi gees ool e gaarida haweenkee ilaah quruxda gaadhsiiyay ee u eebahay kugu galladay adiga guurkeedaa gaadada inaad daawatiyo quruxda guudkeedaa xubnheeda gaarka ah inaad gacalo daymooto marba goob udoogliyo waxaad googol k la jiiftaaba wuxuu gurigu nuuraa markay nabadi geestaal e gabanada caruurtiyo hablaa guri ka foofaaya tacliintaa is gaadhiyo aqoon guula laga gaadho dugsi ubad la geeyiyo casrigan iniba heer gaadhay marna lama geyoodeen hadaan nabadi gees ool e guri lagu negaadiyo xarago nabada wow gaar e ragoo geesinimo wada tirsaday nabadu wow gaar e gole lagu caweeyiyo farxadi nabada wow gaar e guul iyo barwaaqiyo nimcadu nabada wow gaar e geblo laga ciyaariyo aroos nada wow gaar e mar se hadii colaad layskugalo gelen gel weeyaane waa gumucyo dhiigliyo rasaas laysku gubaaya e oo waa garnayl xiimayiyo gaas la weeraro e oo waa goobo lagu riiqday iyo geesiyaal luma e oo waa gaari oydiyo baroor guriga kuu taal e oo waa gunimo faysalow gini colaadeed e hadii aan gunaanado tixii gaabsho arartooda alow noo gagaar dunidu waa geedi sii raran adigaa arlada noo gogloo daadshay geedaha e adigaa geyiga maamulaan cidi ku gaadhayn geerida adaa nagu xukumay aan la gees marin e adaa nabiyadiyo nagu galaday garasho diineed alayahow na garansii wadada kahyrka lagu gaadhoMurugo Dib U laabo MURUGO gabaygan waxa la yidhaahdaa MURUGO,waxay ka hadlaysa halgankii dalkan lagu xoreeeyay iyo weliba dhibtii ay ciidamadii keli taliska aahaa ku hayeen umadan somaliland: Indhawayto Miinlayda Gabay Waanigaan Marine Maansooyinkii Iyo Ka Hadhay Mihindiskaygii E Bal Aan Mariyo Caawana Miday Muhatay Laabtaydu Masalooyinkii Dhacay Ayuu Shaacir Mariyaaye Murti wuxuu ku sheegaa wixii waayo soo maray e Maalinta waxaan la arkin buu sii mashqiciyaa e Ana Waxaaan Ka Maansoonayaa Maalmihii Tegay E Markii Macagagii Ina Bariyo Moorgan Talinaayay Markii Uu Ninkii Magac Leh Iyo Laayay Madaxdeena Magaalooyinkeenana Markuu Marayay Baasuuke Madfac Iyo Markii Daarihii Suuga Lagu Miisay Maatadiyo Caruurtii Markuu Mariyay baaruuda Ee Uu Midgaan Xamar Ka Yimi Muruq Inoo Sheegtay Magaalada burciyo Maalintii saaxil laga maagay Masnadaa hargaysana ninkii magac leh Loo diiday Murugada xanuunka leh markaan debed la meeraystay Mahadbaa u sugnaatee snm Reebe magac wayne Taariikhda meel fiican bay naga mutaysteene Maalmaha qadhaadh iyo markay murugtay Xaalkeenu maalintii kastaba geesiyada maydda lagu toosay muusanowga gaaridu markuu meelkastaba gaadhay ma huraanka maantii nin xumi nagu hor miigeeyay magaynada amlaydiyo markuu seefta marinaayay Mowlihii Ilaahay Markuu Maalin Qudha Duubay Ee ay malaa iig safani marisay baalkeedaa . Mashqooyinkii dhacay markii mowle naga doojay markaan dowladnimo muujiyiyo maamul hana qaaday ee aan calanka miisaaman iyo muunad lahaa taagay dhamow max,ed maantaan kurisga duhur ku maamusay ee uu milgaha dowladnimo muujiyay ee taagay ee uu magac Somaliland meel kastaba geeyay ee shuruuc muuqda iyo qodobo miisaamay wuxuu maalmo joogaba markuu mowdku naga qaaday mijo xaabintaydiyo halkii muran la eegayay miridh gudihii waatan kursiga saaray madaxwayne afartaa macnaa gabayga iyo mihindiskaygii dheh tixii muuse gab iyo sidii bidhiq ma miisaamay maansooyinkii timacadiyo midhihi laanjeer dheh murti aniga ii gaara iyo mooshin gabayaa dheh kala mudan abaar murugtay iyo mayayga roobaad e kala mudan dhulkoo midab xun iyo muguca geeduu kala mudan kufaar macatabliyo mufasir diineed e kala muda mcaankii janniyo mahadho naareed e kala mudan hargaysiyo madfaca xaram ku miismaa e kala mudan dagaal iyo nimciyo mahad la joogaa e kala mudan dal midho soo bixshiyo meel la gubayaa e kala mudan se maatada qaxdiyo mahad la jiifaaye kala mudan mandaraddaan dhisiyo maydka xamar yaale afartaa macnaa gabayga iyo mihindiskaygii dheh tixii muuse gab iyo sidii bidhiq ma miisaamay maansooyinkii timacadiyo midhihi laanjeer dheh murti aniga ii gaara iyo moosin gabayaa dheh waxba yaan kufrigu nagu midayn magac soomalaa e waxba yaanay maahmaah ka dhigan mid aanan yeelayn e waxba yaan madiil arkiyo miino lay qarin waxba yaan masaxad lay mar marin milil dushiisiiye waxb yaan mar kale laygu hodin midowgii soomaal eSuleekha Dib U laabo gabaygan waxa layidhadaa SULEEKHA waana gabaygii lagu furay silsiladii gabayad ee suleekha suugaanta gabay waayadaa sax uma luuqayn e nin waliba markii uu saftaan nacay siciidow e ma sifaynin waayadan tixii suubanaan jiray e Aan sunneeyo caawaa qalbigu saannad ridayaa e Ma og tahay suleekhaay cishqigu waa sun iyo boog e Ma ogtahay suleekhaay ragbuu seexshay aakhiro e Ma ogtahay suleekhaay cilmibaba seeduhuu jaray e Ma ogtahay suleekhaay ragbuu sababay mowdkood e Ma og tahay suleekhaay beryahan waaba saaqnahay e Sidrigayga iyo buu dhex galay saabka feedhaha e Adigaa suleekhaay qalbigu kuu sanqadhayaa e Adigaa suuleekhaay wadnaha siiya dhiigaba e Adiguu hogaan ii sudhiyo seeto aan go,in e Adigaa suleekhaay naftani ku salcaan tahay e Seedahayga adigaa degiyo suunka laafyaha e Adigaan sarrirtiyo hurdada kugula soofaa e Adigaan sidii sebi ilama ah kuugu selelaa e Waxaad tahay suleekhaay cirkoo hooray subixii e Waxaad tahay daruur siman tahay iyo dirir sagalaada e Waxaad tahay suleekhaay dhulkoo mariyay saacii e Waxad tahay suleekhaay dhirtoo saaray ubixii e Waxaad tahay suleekhaay xareed socota laaga e Waxaad tahay suleekhaay nimciyo seban barwaaqaad e Waxaad tahay suleekhaay midi hibadu saarnayd e Waxaad tahay suleekkhaay hablii diinta loo sugay Xidigtii sukhray u eegtahiyo sagal arooryaad e Dahabkii sancay nala tihiyo saadadii beder e Suuradaada iyo loonka iyo sida laguu dheehay Dhexda oo la soohiyo timaa saddarba meel joogo Suuniyaa indhaa iyo ilkahan la isku saan gooyay Sifaheeda iyo lafyihiyo socod wanaageedaa Siduu eebahay kuu dhigiyo suuradiyo jaaha Sidii aan u eegoba hablaa way u sidataa e Afarta sidii aan rebiyo saani ma u mariyay Ma u simay daruur iyo sidii sagal gu, oo hooray Sanbabada sidii aar libaax sooman ma higooday Ma sanqadhiyay sidii baarqabkoo sugaya doobtiisa Ma salaxay allaa ii sakhiray midhiyo sugaan e Ma sinmaan dhulkoo saacay iyo suluf abaareede Ma sinmaan sebaankii xun iyo sagalka roobaad e Ma sinmaan sabool caydha iyo sidig nin maalaa e Ma sinmaan nin fooq saaran iyo gegi nin seexdaa e Ma sinmaan sarriiraha janiyo solayga naareed e Ma sinmaan cilimiga sayniskiyo saddarka diineed e Ma sinmaan sikhraan iyo ninkii saalixa ahaa e Ma sinmaan sunbada waalan iyo sowjadii wacane Ma sinmaan suleekhaay hablaa sebenkan joogaa e Suuqyada hargaysiyo burciyo saaxil gudaheedaa Sool iyo ilaa caynabiyo sabada buuhoodle Sanaag waaxyaheediyo ilaa daallo sabarkeedaa Sinta ceeldaraad iyo ilaa siidhadiyo xeebta Saraar iyo nugaal iyo ilaa sabarradii howdka Hablahaa siraadkiyo cadceed subax la moodaayo Ma ogtahay suleekhaay adaan kaala soconaa e Gidigoodba soomaali baad saami dheer tahay e In yar oo ilaah suubiyoo sugantay mooyaane In yar oo sunnaha qaadato saxan tahay mooyaane In yar oo xijaabkii sugnaa sidata mooyaane Ma ogtahay hablii kula sinaa raacee sebankii e Qaarbaa surwaal loo xidhiyo suudhka gaalada e Qaar sikhraan iyo nin xumi gogol la seexaadaa e Qaar sidoodaba lumoo samir la joogaa e Qaarbaa sigaar iibsadiyo sun iyo ayfaad e Qaarbaa kufriga saacidoo siidhi loo tumay e Suuqyada darbaa taaganoo sudhato mooday e Qaarbaa suleekhaay ku xidhan tan iyo suudaane Qaarbaa sed aan looba qorin meel fog loo sudhay e Qaarbaa ragaa idinla siman lagu sabaayaa e Qaarbaa suleekhaay wejiga aanad siin karin Qaarbaa sun loo qooshay oo siibay diirkaba e Oo aanad indhaha saari Karin siday u eekaatay Saaxiibo qaarbaa leh iyo koox sideeda ah e Saaniyaadku qaarbuu u yahay sax iyo fiicnaan e Qaarbaa siday door bideen suulay midabkii e Afarta sidii aan rebiyo saani ma u mariyay Ma u simay daruur iyo sidii sagal gu, oo hooray Sanbabada sidii aar libaax sooman ma higooday Ma sanqadhiyay sidii baarqabkoo sugaya doobtiisa Ma salaxay allaa ii sakhiray midhiyo sugaan Intaasoo sebaanaba ilaah adiga kaa saarye Waxaad tahay suleekhaay mid aan saydhin dhaqankii e Waxaad tahay suleekhaay midaa sidata diintii e Waxaad tahay suleekhaay hablaa taan ka saaciday e Waxaad tahay suleekhaay midhaha canabku saare e Waxaad tahay suleekhaay dhirtii ubaxu saarnaa e Intaaso sifaad leedihiyo qaarka saayid ah e Saatirkii ilaahay mar uun ha igu kaa simo e Hadii se calafku waa sede mid kale eebe kugu sooro Hadii aad suleekhay nin kale siiso quruxdaadaa Sabbo doogle iyo eebahay raaxo kugu soorye Sebi iyo ilaahay ku sii soofka xoolaha e Suhayb iyo ilaah kuugu deeq saynab iyo luul e Weligaa suleekhay ha mudan silica qaarkii eSahan Dib U laabo SAHAN Gabaygan waxaa la yidhaahdaa SAHAN ,waxay daba socotaa gabayada suleekha. Wuxuu yidhi: Suugaantu waa ruux ilaah hibo u siiyaa e Waa sagalka roobkiyo cirkoo hoorimad sugay e Ninba wuxu ka seertaa intuu saami leeyhay e Aniguna sidkiisoo galaan sax u dhawaaqaa e Ninba wuxu sifeeyaa hablaa tuu ka saanyado e Oo sare u qaada sidii sabi caruureed e Si kastaba cilmaa hodan u dhigay quruxdii saarnayde Nin sabool ah baan xajadii socon abiidkii e Isagoo salcaanay nin kale meher u siiyeene Waa tuu siciidow wax badan mariyay suugaan e Sababteedi iyo buu o go,ay waxay sameeyeen e Annaa waxaan suleekhadan haween gooni uga soocday Suugaanta maansada waxaan ugu sifaaleeyay Waa sallow jacayl oo in badan saaqay laafyaha e waa waxaan siciidow hablaa uga sarraysiiyay Waa waxaan siciidow amaan ugu sabaayaa e Waa waxaan siciidow tixaa ugu sugaayaa e Waa waxaan suleekhay u idhi saama layl dhexe Sidii sidig irmaanoo nirgii saaka laga reebay Sahwiga iyo waa waxa I baday selelka qaarkii e Waa waxaan siciidow u qoray midhiyo suugaan Afartaa wax laysku suree sabo dhig ma u yeelay Sarakadhanka roob laguma raro soofka xoolaha e Waxa reerka loo sahamiyaa dirir sagaalaad e Seermawaydo oo curatayba lagu socdaalaa e Aniguna sifaa gabay markaan tiriyo siinlayda Salaan iyo sidii faarax baan sixi aqaanaa e Ma seemeeyay baydka waad qodob saluugtaa e Sidiisaba jacayl waa dhib iyo sah iyo ayfad e waa suluf abaariyo dhulkoo seejay mayaygii e Waa seban xumaad ay nafluhu wada salcaameene Marnaa waa sareediyo nimciyo seero roob helay Waa sarac beertoo midhiyo saaray ubaxii e Waa geed samaalaha magool simay dushiisii e Waa sebi caruuroo ilaah addi ku siiyaa e Waa guri samaan jooga iyo raaxo saayid ahe Waa sagalka roob oo ku da,ay seero doog badane Anna wuxuu siciiddow beryahan ii sawiray laac e Inanti shuleekhu hablaa iiga soo xulay e Waa sidaan ku wado inan mar qudha googol la seexdaa e Ha yeshee sedkii qoran ayaan cidina seegayn e Bal siduu ilaahay idmiyo saadanbe aan eegnoSuurad wacan Dib U laabo SUURAD WACAN Gabaygan waxay waxa la yidhaada suurad wacan,Waxay daba socotaa gabayad suleekha Hadaan gabay siidisaba salaxo amase siinlayda Surmaseegto waa kaa dishaa midhiyo suugaane Sumadeeda iyo baan aqaaan surimadeedi e Ii samir abwaan faysalow Gabaygu waa soore Marka hore suleekhadan anaa saaray calankii e Aniga in badan saadiyo mariyay suugaane Anigaa sabaaliyo ku waday suubanow hadal e Anigaa sabaad iyo u diray saaqa iyo luule Anigaa sarraynta isku waday seexashada guud e Marse haday rag kale ila safteen xaalku socon waaye Soo fadhiiso aniga ku siin dhowr sifoo wacane Aniga salcan iyo u maray sah iyo ayfade Sarranseer abaariyo anaa suun u soo maray e Geeri go.an aana seexday iyo ayga suuda leh e Anigaa sebaan iyo sebaan soocay magaceed e Sawahaad anaa soo mariyo kaymo sool badane Iyaba wayla socotaa inaan suuqmay dhowrsano e Sitimaano aniga u galay seerayal xidhane Dhaxaanan soor cunin intaan suunka giigsaday e Dhaxaan u sare joogi jiray saamo layl dhexe e Dhaxaan siraad meel leh iyo saydhay raaxada e Saryanka iyo dhaaxay dugaag ila safnaayeen e dhaxaan la saaxib ahaa seeri joogyada e oo aan sokeeye u ahaa aarka saynta lehe dhaxaan suleekhay dartaa seexday meel dhib ah e dhaxaan surwaal giigsan iyo tuuray suudhkaba e dhaxaan kaba suunka iyo seedaha u xidhay e dhaxaan u soogna inaan sowjad kaa dhigo e safkan maanta soo wada gashaday suudhadhkiyo shaalka sarajooga dheer baa hodiyo suuniyaa qorane u sifee in loo soo halgamay suurad wacanlayda u sifee inaan lagu helayn suul dhabaalaha e u sifee abwaan faysalow soolka lagu ragay u sifee In lagu soo korsaday seefo lagu riiqday u sifee in caashaqa nin qudha aay la soconayso u sifee suleekhadan inaan sax u horseedayo u sife saboolkiyo inaan sebiga qaadaayo u sifee sokeeyiyo xigaal in aanaan seegaynin u sifee shareecada inaan sax ugu haynaayo u sifee sunnaa iyo in aan faralka seegaynin u sifee in aan ahay masuul sugaya qaybtiisaSabo Wanaag Dib U laabo SABO WANAGAAG Gabaygan waxa la yidhaadaa sabo wanaag,Waxay iyana daba socotaa gabaya suleekha Sa,ada gabay allaa ii sakhiray surimaday taale Sidrigaa ilaahay iigu dhigay saadad quruxlay Marba se waxaan sameeya markay sowrac leedahay Bal isuga suleekhaba ragbaa saamaha u tumay Siciid iyo abwaan faysalow sidani waa yaabe Ma sugayn su,aal iyo inaad hadalka saaftaane Ma sugayn suleekhana inaa iila siman taane Ma sugayn inaad ila gashaan dhowr saf oo kale Ma sugayn cidbaa kuula siman sabar wanaaglay e Ma sugayn nimaan uba surmiyin say u noqodkeeda Ma sugayn suleekhay cidbaa kaaga soof badane Ma sugayn inaan weli ku jiro soorta cuni waaga Niman maalin kuu soconinbaa sowjad kaa dhigay e Ma sugayn suleekhay halkay kugu sabaareene Ma sugayn sabool kaad tihiyo suunta lagu joojay Ma sugayn sulekhaay nin kale inay ku siiyaane Sedka se eebahay baa baxshiyo soofka xoolaha e Imisaa nin fooq sare lahaa maanta laga saaray Imisaa nimay sikhi dheheen sebenku laaluufshay Imisaa salcaano gambiyo saaka shilin haysaan Imisaa saraakiil wakhtigu mariyay seeftiisaa Imisaa nin loo sacabo tumay saaka laga baydhay Imisaa wakhtigu saacidoo saxal ku meeraystay Imisaa sabool taajiro sidig irmaan foofshay Imisaa nin uu seben ku xidhay saaka mahad joogaa Imisaa sumuli mid aan lahay dooler lagu sooray Imisa wakhtigu saamaxoo meelo sare gaadhay Imisaa sekhraan eebahay khayrka solansiiyay Imisaa nin saajina xiligu siigo qabadsiiyay Hadi se aay saldaneeda wacan aniga la I saaro Sarmaan doogle baan furilahaa seeri roob helay Marba waxaan u soo sahaminlaa sagalka roobade Subag iyo waxaan siin laaha caano subaxeed e Anigaa ka saacidi lahaa kaa la socotaane Sidko dhalay ayaan caanohood siinlahaa abid e Subax noolba waxan daajin laa sabaradii howde Sebigiyo waxaan korin lahaa kii saboolaba e Sida maanta ay tahay marnaba kuma sameeyeene Waxaan ahay nin sooryayn lahaa kii sokeeya ah e Aniga sagaal jeer ka wacan kaa la socotaane Igu sima wax badan lahaa samirku waa deqe Igu sima sebanaa u hadhay waan sidataa e Igu sima anaa idinku furi sabo barwaqaad e Igu sima wakhigu waa sitaa kaa u sidigteene Igu sima suleekha I tidhi saakaba I hoo eSoo Socda Dib U laabo Soo Socda Dib U laabo Soo Socda Dib U laabo Soo Socda Dib U laabo Soo Socda Dib U laabo Soo Socda Dib U laabo soo socda Dib U laabo Wuxuu yidhi:soo socda Dib U laabo Wuxuu yidhi:soo socda Dib U laabo Wuxuu yidhi:soo socda Dib U laabo Wuxuu yidhi:soo socda Dib U laabo Wuxuu yidhi:soo socda Dib U laabo Wuxuu yidhi:Soo bandhige: Fu,aad Sh. (Bahda Mareegta Farshaxan) Copyright ©2003- Mareegta Raadraac ee Farshaxan. All Rights Reserved. |
