Mareegta Far-Shaxan
|
|
Mareegta Far-Shaxan |
|
|
| ha moogaan mareegta u ban baxday raadraaca taariikhda, dhaqanka iyo hidaha |
| Tifatirayaasha Farshaxan way ka madax banaan yihiin fikradaha gaarka ah ee ku sugan halkan |
|
|
Hordhac
Qalinkii - Fu,aad Sh.
Taariikh Suugaaneedkii Abwaanka da'da yar ee Maxamed Xirsi Guuleed
Maxamed Xirsi Guuleed wuxuu ka mid yahy abwaanada u kacay ummada ku
hadahsa af Soomaaliga,degaan ahaan ka soo jeeda Wadanka Somaliland..
Gabre Iyo Gumaysane
Dib U laabo
Gabre Iyo Gumaysane Maansadan waxa allifay Maxamed Xirsi Guuleed, waxayna soo baxday 2008-03-02. Waxa ay ka warbixinaysaa sida uu yahay dhaqanka u dhexeeya saraakiisha ciidamada gumaysiga Itoobiya iyo jaalleyaashooda ku-meel-gaadhka ah ee Soomaaliyeed. Waxay curatay markii la faafiyey dharbaaxadii quudheed ee ka dhacday Villa Soomaalia, Muqdisho. Kama madhna taariikh iyo saadaasha sida uu xaalku ku dhammaan karo. Wuxu yidhi: Gabre iyo Gumaysane Iyo beri gadood dhacay Gabay inan ka tiriyaa Geeraar ka mariyaa Way ila gudboontee Waxan soo gudbinayaa Murti layla garan karo Warar laysu soo guray Iyo guud mar waayeel Wax la yidhi Gumaysane Gabannimo yaraantii Gob ayuu ahaan jiray Geelbuu lahaan jiray Gaawuu sidsidan jiray Ha yeeshee gadaalbaa Cudur aan la garanayn Dhiiggiisa galayoo Guudka sare ka soo baxay Isna wuxu guddoonsaday Dadka gebi ahaantood Guri guri dhammaantood In bukaanku wada galo Xeeshaase lagu garay Gacal iyo shisheeyaba Dadkii gees ka wada mare Goobtuu yimaaddaba Gujo laysku fahansii Sanka gacanta lala boob Guclo orodna lagu dhaaf Dabadeed galiilyada Cuqdad gaadhay xididdada Waxa uu goŽaansaday Inuu geeshku baabaŽo Guunyada la cidhibtiro Godob laysu wada dilo ilaa cudurkan gaamuray Dadku kaga gataan lacag Guul iyo xil loo qiro Garbo shaashle lagu tolo Gondihiisa lagu shiro Gadhwadeenna laga dhigo Guntay oo is xayd xayd Sidii neef la gawracay Hadba geedo sii jiidh Hadba gebi ka sii duul U gal aakhirkii cadow Guluf soo abaabule Hadba guuto soo dire Ku hungoowyey dhawr goor Mar ay talo gabaabsiday Wiil Goondhar lagu dhalay Gabre looga magac dhigay Gosha bidix ku soo qaad Garab iyo u noqoy xoog Gabre waa habaarqabe Dadka Goondhar joogaa GURRAC! bay yidhaadaan Gobolkuu degaabay geeridu hadhaysaa Guriguu yimaaddeey Gaajadu u hoyataa Inta cudurro gooniya Guudkiisa lagu wadhay Tiro laguma garan karo Kuye waar Gumaysane: Aan kuu gargaaroo Dilka aynu guullee Godobtaada ii sheeg? Inta ay ku gadanteed Ku gamŽayso ii sheeg? Wuxu yidhi Gumaysane: Gabre gacan macaanoow Galti awliyaadoow Marka hore gargaarsiga In Giyoorgis lagu daro Gaalada buruudka leh Gurmadkeenna loo waco Baaderiga gaadhsii Marka xiga garaadoow Gabannimo yaraantii Markaan geela hayn jiray Nin i gawdhiyoo beri Gego igu legdaa jiray Waa in aan ka goostaa Qudhna uuma garan karo Ha gubteene idilkood Ku garaac madaafiic Dhanka kale guyaal hore Markuu cudurkan gaamuray Sidaad aragto ii galay Iimay gargaarine Way igu giriifeen Cidlay igaga guureen Anna waxan goŽaansaday Taa inan ka gooyaa Gondahayga keenaa Lay wada garaabaa Gabre sheekadaa dheer Gocashadaa raqiiska ah GARTAY! kaga jawaab celi Gacantana u soo tag Duqan gees ku ciirka ah Ballan inu la sii galo Kuye waar Gumaysane: Waan kuu gurmanayaa adna awrka gaadiid een ku guuro maad noqon? Ciilka igu gaamuray Markaan taada garab dhigay Godobtaadu waa sahal Haddday taadu gelin tahay Taayadu geyood ma leh Nimay Gurey lahaayeen Mar uu beeshayada galay Wuxu geystay waa hore In aan goosto mooyee Guul kuma xisaabtamo Geeridaada dabadeed Gulufkaygu wuu socon Sidaa laysku gacan qaad La gal duul warmooge ah Gobol nabada weerare kumannaan qof gawrece Galacleeyey dhiiggii Guryihii qurxoonaa Laga yeel gabaahiir Gurte duunyadii tiil Shabackina gumaysiga Geeri bay ka doorteen GoŽaankii dullaysiga U daruure gaashaan Gabre iyo Gumaysane Goolkoodi dhalan waa Afartooda geesood Kaga ciye gantaalladu Fahme inay goŽdoomeen Guuldarro iyo caadkeed Iyagii is gooddiye Gefaf laysku eedee Gacan qaad la soo sheeg Goolaaftan dirireed Galab laysu soo baxay Dad gumaysi diid ihi maalin ay gadoodeen wuxu yidhi Gumaysane Gabroow geesigiiyoow Geestaa waxa dega Niman gacallayaalee Garab aan ka dhigannee Ka yaree gantaalada! Gabre cadho is girangiri Ku gadood af shaydaan Gacantiisa kor u qaad Ku bilow Gumaysane Ku gaggabi dhirbaaxada Isagina galgalashada Gabbashiyo gargaar dalab Gacmihiisa taag taag Gasariir ku yidhi heeeeeee Gabroow waan ka tegayaa Gefkaan falay muxuu yahay? Kuye inan gumeedyahow Soomaali gibil-madow Yaa kala gur kugu yidhi Giddigiin qushaashaa Midna gacal ma noqon karo Adiguna garaad xume Gaadiid-qaadkay baad tahay Gabre maaha kii hee Is gamaarintii daa Galka seef ka soo sar Geddii lagu aqoon jiray Gole loo dhanyahay keen Wuxu yidhi goŽaan culus Magal YAA Gumaysane!: Askartayda gaarka ah Wixii gaadha qoomaal Kuwa gaarka kuu aa Laga goynayaa qabo Waxan kaloo goŽaansaday: Gabdhihiina quruxda leh Oo wada gashaantiya Goortaan u baahdaba Gelbis inaad ku keentaan Wuxu yidhi Gumaysane: Gabre geesigiiyoow Askartaada gaarka ah Cidda looga aar gudo Marna kama gilgilan karo GoŽaankaasi hadal ma leh Dhanka kale gabdhahayaga Guurdoon haddaad tahay Waa wada gayaankaa Aw cali-gadhoosiyo Sheekh Aadan good baa Meher kuugu gawsiin Gabre cadho is girangiri Ku gadood af shaydaan Gacantiisa kor u qaad Ku bilow Gumaysane Ku gaggabi dhirbaaxada Suxulkana ku gaw sii Isagina galgalashada Gabbashiyo gargaar dalab Gacmihiisa taag taag Gasariir ku yidhi heeeeeee Gabroow waan ka tegayaa Gefkaan falay muxuu yahay? Kuye waar Gumaysane Nin garaad xunbaad tee Gaabsibaan u baahnee Guurkiina yaa raba? Maydinkaa geyaanba ah Isagoo Gumaysane Iska dhigaya guulwade Gabre raalli gelin kara Gudan kara xilka u qoran Wuxu yidhi garaad-xume; Gabre ina Zenaawoow Geesigaannu xididnoow Gallad Eebbe weeyee Gabadheheenna sharaftale Anaa soo gudbinayee Gelbintooda dabadeed Gabannaday inoo dhali Gabre maw bixbixinnaa? Gabre cadho is girangiri Ku gadood af shaydaan Ku garaacyey feedh-jilib Gacantiisa kor u qaad Ku bilow Gumaysane Ku gaggabi dhirbaaxada Isagina galgalashada Gabbashiyo gargaar dalab Gacmihiisa taag taag Gasariir ku yidhi heeeeeee Gabroow waan ka tegayaa Gefkaan falay muxuu yahay? Kuye waar Gumaysane Goxoshyahow habowsani Garacyada sideebaa Gabre loogu bixiyaa????? Kuye hadal goŽaanlee Gabre geesigiiyoow Galabtaad aroostee Gasho macatabkaagii Waxaas oo gef lagu falay Kuma duxin Gumaysane Ma garwaaqsan xaajadu Inay soo gurracantahay Hadba gabadh yar doon doon Hadba gaari raadcee Hadba guuto dhan u dalab Garbaduub mid lagu wado inay golaha keenaan balse guul lamay hoyan Gabadh dhoorle xiitaa Laga waayey gobolkii Giddigood jihaadkay Geesta uuga biireen Guubaabadooday Geesiyadu ku dirireen Shicibkana gadoodkii Hadba goosan sii biir Gurmadkoodi soo baday Gulufkoodi weynaa Isagoo Gumaysane Gacma madhan la yuurura Oy geeso tubanyiin Gaaraayucuuntii Gefka kala shaqayn jiray Gabre yimi abbaartii Gaafkiisa laga waday Gebgeb iyo mashxaradiyo Gelbinbuu filaayee Afka juuqda gabay arag Iyo geeri muuqeed Kuye aawey gooshii Aad ii gelbinayseen? La ye garanba maynee Bal weydii Gumaysane Isaguna Gumaysane Gargariir ku yidhi hee Gobolkeena oo idil Laga waa gashaantimo Waaryaa gumaysane Dadkii kaleba garannee Gabadhaadi aawey? Gabre ugu jawaab celi Meel aan la gaadhayn Iyo gobol shisheeye ah Ayey guudka fidhaysaa Gurxan hoose ugu sheeg Gabre taasna liqi waa Ma garaysan hadalkaa Gogol badinse ugu celi: Waaryaa gumaysane Kuwan geesta kaa tuban Gabdhohoodi aawey? Intuu yara gunuunucay Wuxu yidhi gumaysane: Waddamada galbeedkay Geysteen dhashoodo Kama gaadhi karayaan Inay galabta keenaan Kuye maqal Gumaysane Dhaxaad gidhiishiyo Been iga gadaysee Usgagbaa I gubayoo GamaŽ jiifsan maayee Haddii aan lahayn gabadh Adba aan ku guursado!! Haddeer fahan gumaysane In aan guul dambayso Gabre laga filaa jirin Naxdin labada geesood Gasariir u daymoo Arki waa il gacaloo Ka gilgilata ceebtaa Dhidid leŽeg galaasyada Guudkiisa sida roob Gabax uuga soo yidhi Ilmo goboŽle lagu arag Gocay boqol xasuusood Iyo wuxu gef soo falay Gaarkii isula hadal Alla geeri, waa hore Godka maan u jiifsado Alla yaa I gawraca Muu gurigan baas dumo Dhulku aniga ila goŽo Isagoo halkii gegan Gabre weedhi ugu celi Guntigiina soo furay Gogoshiina loo fidi Hayeeshee GIG lagu toos Goortaa tilmaanta leh Waxa dhacay gariir culus Madfac gawle baa baxay Guushii Allaa timi Shicibkii gadoodaa Soo dhaafay gaadhkii Waxa laysla soo galay goobtii xilka lahayd Goblan tala adduunyooy Waa kaa Gumaysane Ku galbaday nasiib xumo Waa kaa godkii galay Nin gumayste raacaa Gaarka u lahaan jiray Maxamed Xirsi Guuleed Maanso Labaad Dib U laabo
Gabaygani wuxuu soo baxay 17-04-2007 waxaanu ku saabsanyahay
xaaladda coladeed ee ka oogaan Geeska Afrika gaar ahaan
Soomaaliya/Muqdisho ee u dhexaysa gumaystayaasha isbahaystay
iyo gobannimo u dirirka Soomaaliyeed ee culimadu horkacayso.
Wuxuu yidhi:
1. Gabay Maxamed Caliyoow1 beryahan wayga gaagaxaye
2. Sidii geel irmaan oo libaax, gaadaya ujeeda
3. Ma gudhine wuxuun bayga tegay godolkii maanseede
4. Sidii loo gembiyey dawladdii guusha badan keentay
5. Gooh iyo waxay ii ahayd gibil madoobaade
6. Gobolladay fadhiday dawladdii looga wada guuxay
7. Ee gebiga soomaaliyeed gacal walaalaysay
8. Ee nabaddii loo gaajo qabay gaar dadka u siisay
9. Rag uunbaa guddoonsaday inay guluf ku qaadaane
10. Gefna laguma haynine, samaan Geeska loo rabine
11. Guulaha islaam lagu helaa, reer galbeed dhibaye
12. Gaadaha colaaduhu markuu gubayey ciiddeena
13. Gurmad nooma keenine dabkay gees ka shidayeene
14. Wuxuu gaalku wayraxay markaan gaadhnay nabaddiiye
15. Gama kalena may ledin ilaa maydku geyllamaye
16. Geeridii Cadaado iyo Mudug, shicibka loo geystay
17. Aheey gobolka Hiiraan markii guudka laga toogtay
18. Gudaha Bay, gadaal Buurxakaba, godanka Iidaale
19. Gobollada jubbada hoose iyo Gedo xuduudkeeda
20. Raggii Gaasta lagu buufiyee goobta lagu dhaafay
21. Gadhacasta wayday meel ay galaan dunida guudkeeda
22. Culimadii la gawracay ayaan laga geyoonayne
23. Maantana gumaadkaa dhaacaan giida la hayaaye
24. Raqda xamar goglani may ahayn guuto weerara eh
25. Wax-ma-galabsatiyo waa haween Gaal ku xoogsadaye
26. Guryaa dumay gidaarrada burburay, qaxiyo guurguurka
27. Gabdhaha ay kufsanayaan ragga Goondhar laga keenay
28. Waa sida gumaystuhu, halkuu galo ka yeelaaye
29. Geddii weeye ay kula tageen gobolladeeniiye
30. Bal garoo marbay HERER ahayd guri islaameede
31. Gacmadheere, Diinaari iyo geeljir Cali Jeelle
32. Iyo Geeddi waxan ay faleen, garanba mayaane
33. Godobtaase lama saamaxee geliya diiwaanka
34. Gurigiisa nimuu mayd u yaal gamasna loo haysto
35. Oo loogu gooddiyey inaan sina gar loo siinin
36. Ninka gogosha ugu baaqayoow geed xun baad tahay
37. Gardarrada nin taageerayoo gees jiraad tahay
38. Garbaduub inaad maagantahay garannay xeeshaase
39. Gaashaandhiggii iyo intuu Xamarba gaal joogo
40. Ee gobollo Soomaaliyeed Xabashi gooshaayo
41. Waa kuu garaad lii inaad shirar u guuxdaaye
42. Golaa IGAD, gumaysiga madow, Yurub gargaaraysa
43. Iyo kii gantaallada la dhacay geel cidla u foofay
44. Guryahoodi waa nabad kuwaa geystay eedaha eh
45. Godobtaase lama saamexee geliya diiwaanka
46. Al-shabaabka soo giirtay iyo geesiyada dhaartay
47. Culimada goaansaday in aan gaadhka laga reebin
48. Ee cadowga dhuunta u galoow gaar idiin ogine
49. Haddaad geeriyootaan jannaad boos ka gadateene
50. Haddaad guusha hanataanna waad, laba gar daaqdeene
51. Gama yaanay abidkood ku ledin, goxoshka soo duulay!
52. Soomaali gebigeedu waa gacallayaashiine
53. Isu geynta Daarood, xattaa gobol Majeerteena
54. Gelimays kol ay tahay kuwaa Godey ka hooseeya
55. Hawiyaha gadoodiyo Jareer, geeshash Raxanweyna
56. Gabooyiyo tumaaliyo ashraaf, ganaya liishaanka
57. Garre iyo Ajuuraanka iyo gibilcad dhawr jaad ah
58. Dirka goob kastaba yaalla iyo gacalka qiiraysan
59. Gobta reer Isaaq, Ciise iyo beesha Gudabiirsi
60. Gurgure iyo jaarsiyo qolyaha dega galbeedoo dhan
61. Intaan gees maree badan dhammaan gebiga Soomaali
62. Giddogood waxay doonayaan guul aad dhalisaane
63. Gurmadkiina way jecelyihiin gacani waa toose
64. gabdhihina ducuunbay intaa gawda ku hayaane
65. Gaaliyo waxay diidanyihiin Geeddi iyo yey eh
66. Gobanimo dagaalama is dhiib, waa gunnimo weyne
1-Eng Maxamed Cali Cibaar
Calankii Dalkeygoow
Dib U laabo
soo socda Dib U laabo Soo Socda Dib U laabo soo socda Dib U laabo Soo Socda Dib U laabo soo socda Dib U laabo Soo Socda Dib U laabo Wuxuu yidhi:soo socda Dib U laabo Wuxuu yidhi:Soo bandhige: Fu,aad Sh. (Bahda Mareegta Farshaxan) Copyright ©2003- Mareegta Raadraac ee Farshaxan. All Rights Reserved. |
